粵語

粵語、廣東話、廣府話
用嘅國、地區中華人民共和國 中華人民共和國(廣東海南廣西)、 香港Flag of Macau.svg 澳門Flag of Singapore.svg 星加坡Flag of Indonesia.svg 印尼馬來西亞 馬來西亞Flag of Canada.svg 加拿大Flag of the United States.svg 美國英國 英國澳洲 澳洲紐西蘭 紐西蘭Flag of Vietnam.svg 越南Flag of Thailand.svg 泰國同埋其他華人移民地。
講嘅人口約莫6千6百萬至1億2千萬[1]
排名16 [2]
系屬
官方地位
官方語言 香港Flag of Macau.svg 澳門
管理機構香港公務員事務局法定語文事務部
香港教育大學語文教育中心
澳門行政暨公職局語言事務廳
語言代碼
ISO 639-1zh
ISO 639-2chi (B)
zho (T)
ISO 639-3yue
中國大陸用粵語嘅人主要分佈喺廣東嘅中西部同埋廣西嘅中南部。
粵語淵源

粵語Jyut6 jyu5),又叫廣東話Gwong2 dung1 waa2)、廣州/廣府話Gwong2 zau1 / gwong2 fu2 waa2)、白話Baak6 waa2),係廣東(簡稱「粵」)加埋部份廣西海南香港澳門講嘅語言,喺東南亞地區同埋一啲粵人移民地方都有人講。

語言學入邊,粵語係種聲調語言,屬漢藏語系漢語族。粵語有四大:粵海片、四邑片、桂南片、高陽片。廣東地區係粵語發源[未記出處或冇根據],粵海片一般被當做標準粵語嘅基礎。

人口方面,舊時統計有6600萬人講各種口音嘅粵語,全球排十六位;亦有啲統計數字話粵語使用人口有1億2千萬1。雖然粵語響中國大陸無法律地位,之但係廣東地區開放歷史有幾百年,經濟發展先過內陸,加上有香港經濟同文化發達,令粵語有好大影響力,成為香港文化粵文化嘅根基。由18世紀開始,因為大量講粵語嘅人移民行出國,令粵語成為海外華人之中比較多人講嘅語言。

嶺南地區,粵語沿珠江各支流散佈,可以分做六個區:西江/珠江、潯江/鬱江、北流江/南流江、南江/鑑江、漠陽江、潭江。前便四個水路交頻繁,可以互通;後便兩個因為水系分隔,互通較為困難[3]

由於香港所用嘅語言一樣係廣州話,加上香港對外交流頻繁,同係講廣州話嘅香港,通過大量粵語流行曲電視劇電影,對粵語發展同弘揚有好大嘅影響。另外,由於香港曾經係英國殖民地,期間同廣州嘅交流少咗好多,令到好多香港人用嘅廣州話詞彙同廣州人用嘅有少少出入。

粵語同粵人民族主義有好大關係。

簡史

內文: 粵語史

粵語嘅發展史同 嶺南史息息相關。縱觀歷史,粵語係嶺南當地語言同埋古中原語言嘅結合。而歷史可以追到公元前,秦國南攻百越嗰陣。秦始皇先後兩次平定百越,好多中原漢人移民到嶺南,漢越雜處之下,古粵語就開始形成,之後一路喺幾個朝代都有人喺中原南下,嚟到嶺南,而且重好多都係名門望族,或者係文人雅士,古粵語就係咁樣影響之下,慢慢咁就變成而家嘅粵語。

唐宋

唐朝鼎盛時期,嶺南地區漢人嘅人口進一步增加,原本嘅南方原居民就開始被漢化,講嘢亦開始有轉變。有部分喺山區居住嘅百越部族,免被漢人影響而繼續保持自己嘅語言文化。唐朝建立之後,粵語再進一步受到唐代中原漢語影響,形成一種又可以應付 中古漢語並且又有自身獨立詞彙同文法結構嘅語言。由唐朝滅亡之後到宋朝,北方多次落入外族手上,令中原人逃亡到嶺南地區。呢個係中國歷史上中原人口南遷嘅第二次高峰期,亦都係最後一次減少粵語同中原漢語之間差別嘅時期。而加嘅粵語重係有能力去應付宋朝早年官方修定嘅《廣韻》發音,但係就難去對應元朝或再之後嘅中原漢語發音。不過《廣韻》重係只係有平上去入四聲,只因為字太多令到平聲分上下兩卷,同現代粵語並唔係完全一樣。

元明清初

喺元朝,蒙古人遷都於燕雲十六州內嘅大都(舊時叫燕京,之後改名叫北京),並將當地話作為官方語言,嗰陣嘅中原漢語同中古漢語同粵語嘅差別就不斷變大:嗰陣時嘅中原漢語已急劇傾向北京官話方嘅語音,北京官話嘅入聲韻尾迅速消失(即係-p/-t/-k韻尾消失,同「入日北」三字喺中古漢語同現代粵語都有唔同嘅入聲韻尾),蒙古統治時期出現元曲同蒙古音譯名詞,亦都顯示咗「兒」化韻尾已經形成,又出現咗唔屬於「平上去入」傳統四聲嘅輕聲;即係,已經定型嘅粵語就無受到元朝嘅影響而繼續獨立發展。

明朝至到清朝中期,中原嘅官話韻尾進一步消失(現代官話僅存-n/-ng韻尾,-m尾與-n尾合併)。又有連接i/ü韻母的g/k/h聲母被顎音化成咗j/q/x聲母(例如「吉其兮」三字喺中古漢語和現代粵語都帶有g/k/h聲母,喺現代官話就被顎音化而混合成j/q/x聲母);另外而言,粵語就比較穩定同緩慢咁演變成現代粵語,照住粵語韻母長短將陰入聲派入分為上下兩種陰入聲(譬如「色錫」兩個陰入聲字各自帶有短同長的韻母,前者-「色」-被納入尖銳嘅上陰入聲,後者-「錫」-就被納入近似陽入聲咁樣低沉嘅下陰入聲),西洋學者喺清朝中後期見證住粵語唔同中原官方話咁,將z/c/s聲母同j/q/x聲母混合(現時香港帶有sh/ch嘅粵語譯音英文名詞都可以被視為活化石,因為當期時sh/ch未有同s/ts混埋一齊,例如沙田的沙-sha)。

清朝中末

因為清朝閉關自守,只開放廣州同其他國家做生意。所以有啲外國人嚟到中國之後掌握嘅漢語係粵語但係唔係官話,唔少京官為咗同外國人傾生意都經常接觸粵語,令到粵語第一次掉轉頭傳播返到中原。喺呢個時期又有大量嘅粵人移居到美洲、澳洲同東南亞等各地工作生活,粵語就開始傳播到世界各地,普及起嚟。

Other Languages
አማርኛ: ጓንግዶንግኛ
العربية: صينية يؤ
asturianu: Chinu cantonés
Bikol Central: Kantones
български: Кантонски език
brezhoneg: Kantoneg
Mìng-dĕ̤ng-ngṳ̄: Uŏk-ngṳ̄
čeština: Kantonština
English: Yue Chinese
Esperanto: Kantona lingvo
español: Chino cantonés
euskara: Yue txinera
français: Cantonais
贛語: 粵語
Gaelg: Yueish
客家語/Hak-kâ-ngî: Kóng-tûng-fa
Fiji Hindi: Yue Chinese
Bahasa Indonesia: Kantonis (linguistik)
íslenska: Kantónska
日本語: 広東語
한국어: 광둥어
коми: Юэ (кыв)
kernowek: Cantonek
Latina: Lingua Yue
Lingua Franca Nova: Guangdong
Bahasa Melayu: Bahasa Kantonis
Plattdüütsch: Kantoneesch
Nederlands: Kantonees
norsk nynorsk: Kantonesisk
polski: Język yue
Piemontèis: Lenga Cinèisa, Yue
پنجابی: یو چینی
português: Cantonês
русский: Юэ (язык)
Simple English: Cantonese
svenska: Kantonesiska
Kiswahili: Kiyue
Tagalog: Yue
Türkçe: Kantonca
ئۇيغۇرچە / Uyghurche: كانتونچە
українська: Кантонська мова
Tiếng Việt: Tiếng Quảng Đông
吴语: 粤语
Vahcuengh: Vahgvangjdungh
中文: 粤语
文言: 粵語
Bân-lâm-gú: Kńg-tang-oē