粵字

粵字jyut6 zi6),即係粵語字,又叫做廣東字(gwong2 dung1 zi6)或香港字(hoeng1 gong2 zi6),係一種由漢字演變出嚟嘅字,專用嚟寫粵語入面一啲傳統漢字冇(或者係本來有但失傳咗)嘅字,例如「」、「」、「乜」、「」、「」、「」、「」、「」、「咋」、「」等等。佢哋喺用粵語溝通嘅地區畀人廣泛噉用,例如香港同澳門。

種類

粵字有幾種:

造字

根據粵語詞嘅發音同埋意思,遵守六書造出嚟。例如:粵語表示『升降機』嘅詞音 lip1,係音譯自英文「lift」。為咗寫出呢個音,就用形聲法造字,用「」字做部首,加個「立」字創造出個「𨋢」字,意思係上下直立行嘅車。又好似「冇」呢個字,係將「有」字嘅兩搣走,去表示有嘅相反。

古字

又叫「本字」,係古漢字,喺而家書面語已經唔再用。例如:表示「疲倦」嘅「攰」字。

借音字

借用喺粵語入面同音嘅漢字嚟寫某個發音。借用嘅字增加咗一個同原意唔同嘅解釋。例如:「響」,借音之後增加咗「在、喺」噉樣一個表示處所嘅解釋。又例如:聽日嘅「聽」字亦係借音字,「聽」原意係用耳仔去感受聲音,而新嘅意思係「遞時、之後」。

Other Languages
中文: 粵語字
Bân-lâm-gú: O̍at-jī