லெனார்ட் வூல்ஃப்

லெனார்ட் வூல்ஃப்
Virginia Woolf (3)-2.jpg
லெனார்ட் வூல்ஃபின் மார்பளவு சிலை
பிறப்புலெனார்ட் சிட்னி வூல்ஃப்
நவம்பர் 25, 1880(1880-11-25)
கென்சிங்டன், இலண்டன், இங்கிலாந்து, ஐக்கிய இராச்சியம்
இறப்பு14 ஆகத்து 1969(1969-08-14) (அகவை 88)
ரொட்மெல், கிழக்கு சசெக்சு,இங்கிலாந்து, ஐக்கிய இராச்சியம்
பணிஅரசியல் கோட்பாட்டாளர், எழுத்தாளர், பதிப்பாளர், குடிசார் சேவையாளர்
துணைவர்டிரெக்கி பார்சன்சு
வாழ்க்கைத்
துணை
வெர்சீனியா வூல்ஃப்
(m. 1912–41) (அவரது இறப்பு)

லெனார்ட் சிட்னி வூல்ஃப் (25 நவம்பர் 1880 - 14 ஆகத்து 1969) ஒரு அரசியல் கோட்பாட்டாளரும், எழுத்தாளரும், பதிப்பாளரும், குடிசார் சேவையாளரும் ஆவார். இவர் எழுத்தாளர் வெர்சீனியா வூல்ஃபின் கணவர். இலங்கையைப் பிரித்தானியர் ஆண்ட காலத்தில் யாழ்ப்பாணம், கண்டி, அம்பாந்தோட்டை ஆகிய இடங்களில் இவர் பணியாற்றியுள்ளார். இலங்கையைக் களமாகக் கொண்டு இவர் பல கதைகளையும், தன்வரலாற்று நூல்களையும் எழுதியுள்ளார்.

இளமைக் காலம்

லெனார்ட் வூல்ஃப் 1880ல் இலண்டனில் பிறந்தார். குடும்பத்தின் பத்துப் பிள்ளைகளில் இவர் மூன்றாமவர். இவரது தந்தையார் சொலமன் ரீசு சிட்னி வூல்ஃப், இவர் ஒரு இராணியின் வழக்கறிஞர். தாயார் மேரி வூல்ஃப் (முன்னர் டி ஜொங்). இவர்கள் யூதக் குடும்பத்தினர். 1892ல் இவரது தந்தையார் இறந்த பின்னர், சசெக்சில் பிரைட்டனுக்கு அருகில் இருந்த ஆர்லிங்டன் இல்லப் பள்ளியில் தங்கிப் படிக்க அனுப்பப்பட்டார். 1894 முதல் 1899 வரை புனித போல் பள்ளியில் படித்தார். 1899ல் உபகாரச் சம்பளம் பெற்று கேம்பிரிட்ச், டிரினிட்டி கல்லூரியில் சேர்ந்தார்.[1] 1902ல் இளமாணிப் பட்டம் பெற்ற லெனார்ட் மேலும் ஓராண்டு அங்கே குடிசார் சேவைத் தேர்வுக்காகப் படித்தார்.

1904 அக்டோபரில் இலங்கைக்கு வந்த லெனார்ட் வூல்ஃப், முதலில் யாழ்ப்பாணத்தில் குடிசார் சேவையில் பயிற்சியாளராக (cadet) இணைந்தார். பின்னர் கண்டிக்கு மாற்றப்பட்டார்.[2] 1908ல் தென் மாகாணத்தில் உதவி அரசாங்க அதிபராகப் பணியேற்ற வூல்ஃப், அம்பாந்தோட்டை மாவட்ட நிர்வாகத்துக்குப் பொறுப்பாக இருந்தார். 1911 மே மாதத்தில் ஓராண்டு விடுப்புப் பெற்றுக்கொண்டு இங்கிலாந்துக்குத் திரும்பிய வூல்ஃப் 1912ல் பணியை விட்டு விலகினார். அதே ஆண்டில், வெர்சீனியா இசுட்டீபனைத் திருமணம் செய்துகொண்டார். லெனார்ட், வெர்சீனியா இருவரும் புளூம்சுபெரி குழுவில் செல்வாக்குப்பெற்று விளங்கினர்.

Other Languages
العربية: ليونارد وولف
čeština: Leonard Woolf
English: Leonard Woolf
español: Leonard Woolf
français: Leonard Woolf
italiano: Leonard Woolf
한국어: 레너드 울프
Nederlands: Leonard Woolf
português: Leonard Woolf
русский: Вулф, Леонард
svenska: Leonard Woolf