முகம்மது இப்னு மூசா அல்-குவாரிஸ்மி

முகம்மது இப்னு மூசா அல்-குவாரிஸ்மி
Khwarizmi Amirkabir University of Technology.png
தெஹ்ரான் நகரின் அமிர்கபிர் பல்கைலக்கழகத்தில் உள்ள அல்-குவாரிஸ்மியின் உருவச்சிலை
பிறப்புc. 780
இறப்புc. 850
இனம்பாரசீகர்[1][2]
அறியப்படுவதுஇயற்கணிதம், இந்திய எண்கள் என்பன பற்றி இவர் எழுதிய விளக்க உரைகள்

முகம்மது இப்னு மூசா அல்-குவாரிஸ்மி (Muhammad ibn Mūsā al-Khwārizmī,அரபு:عَبْدَالله مُحَمَّد بِن مُوسَى اَلْخْوَارِزْمِي‎) ஒரு பாரசீகக்[1][2] கணிதவியலாளரும், வானியலாளரும், புவியியலாளரும் ஆவார். அப்பாசிய கலீபக காலப்பகுதியில், பக்தாத் நகரில் அமைந்திருந்த அறிவு வீட்டின் (Arabic: بيت الحكمة‎‎; Bayt al-Hikma) அங்கத்தவர் ஒருவராகவும் இருந்தார்.இவர் கி.பி. 780 ஆம் ஆண்டளவில் உஸ்பெக்கிஸ்தானில் உள்ள, தற்காலத்தில் கீவா என அழைக்கப்படுவதும், அக்காலத்தில் குவாரிசும்(Khwārizm) என்று அழைக்கப்பட்ட இடத்தில் பிறந்தார்.[3]. இவ்விடம் அக்காலத்தில் பாரசீகப் பேரரசின் ஒரு பகுதியாக இருந்தது. இவர் கி.பி. 850 ஆம் ஆண்டளவில் இறந்தார். அராபியப் புவியியலைத் தொடங்கி வைத்தவர் எனக் கூறப்படும் இவர் ஒரு கணித மேதையாகவும் வானியல் அறிஞராகவும் விளங்கினார். இந்திய எண்கள் இவரது பெயராலேயே ஐரோப்பாவுக்கு அறிமுகமாகின. படிமுறைத் தீர்வு (Algorithm), பதின்ம இட எண்முறை (Algorism) ஆகியவை இவரின் இலத்தீன் மொழிப்பெயரான அல்கோரித்மி (Algoritmi) என்னும் பதத்திலிருந்து உருவானதாகும்.[4] இவர் இயற்கணிதவியலின் தந்தை என அழைக்கப்படுகின்றார்.

இவர் கிதாபுல் ஜபர் வல் முகாபலா என்ற நூலினை எழுதியுள்ளார். கி.பி. 820 ஆம் ஆண்டளவில் இவரால் எழுதப்பட்ட இயற்கணிதம் என்பதே ஒருபடிச் சமன்பாடு, இருபடிச் சமன்பாடு என்பவற்றின் முறையான தீர்வுகள் தொடர்பான முதல் நூலாகும். பலர் இவரை இயற்கணிதத்தின் தந்தை என்கின்றனர். வேறு சிலரோ இந்தப் பட்டத்தை டயோபந்தஸ் என்பவருக்குக் கொடுக்கின்றனர். எண்கணிதம் என்னும் இவரது நூலின் இலத்தீன் மொழிபெயர்ப்பு 12 ஆம் நூற்றாண்டில் வெளியிடப்பட்டது. இந்திய எண்கள் பற்றி விளக்கிய இந்த நூல் பதின்ம இட எண்முறையை (decimal positional number system) மேற்குலகுக்கு அறிமுகப்படுத்தியது. தொலமியின் புவியியல் என்னும் நூலைத் திருத்தி இற்றைப்படுத்தி எழுதிய "சூறத்துல் அர்ள்" (புவியின் அமைப்பு) என்ற நூல், முஸ்லிம்களின் புவியியல் துறை ஆய்வுகளுக்கு அத்திவாரமிட்டது. தொலமியின் உலகப்பட அமைப்பில் பல மாற்றங்களையும் திருத்தங்களையும் முன் வைப்பதாக அந்நூல் அமைந்தது. அந்நூலில் காணப்படும் வரைபடங்களில் புவியை அதன் தட்ப வெப்ப நிலைகளுக்கேற்ப ஏழு வலயங்களாகப் பிரித்து விளக்கப்பட்டிருக்கிறது. இவர் வானியல், சோதிடம் ஆகியவை தொடர்பிலும் நூல்களை எழுதியுள்ளார். இவரது தலைமையிலான அறிஞர் குழுவொன்று நைல் நதியின் வரைபடத்தை உருவாக்கினர். ஆனால் சில ஆய்வாளர்கள் குவாரிஸ்மியின் வரைபடத்திற்கு முன்பே நைல் நதி பற்றிய பாரசீக வரைபடம் ஒன்று இருந்ததாகவும், மற்றும் சிலர் ஹஜ்ஜாஜ் பின் யூசுப்பினால் உருவாக்கப்பட்ட "தியலம்" என்ற வரைபடம் இருந்ததாகவும் குறிப்பிடுகின்றனர்.

இவரது நூலில் குறிப்பிடப்படும் "புவி கோள வடிவானது" என்ற உண்மை பிற்காலங்களிலேயே நிரூபிக்கப்பட்டது. பொ.கா. 1551 இல் மகலன் உலகைச் சுற்றி வந்து பூமி கோள வடிவானது என நிரூபிப்பதற்கு 700 வருடங்களுக்கு முன்னரே இந்த உண்மையை குவாரிஸ்மி எடுத்துக் காட்டியுள்ளார். "சிந்து ஹிந்து" எனும் பெயரில் கால அட்டவணை ஒன்றும் குவாரிஸ்மியால் உருவாக்கப்பட்டுள்ளது குறிப்பிடத்தக்கது.

Other Languages
Alemannisch: Al-Chwarizmi
አማርኛ: አል-ሗሪዝሚ
azərbaycanca: Əl-Xarəzmi
تۆرکجه: خوارزمی
башҡортса: Әл-Хәрәзми
žemaitėška: Al-Khwarizmi
беларуская (тарашкевіца)‎: Мухамад Аль-Харэзьмі
нохчийн: Аль-Хорезми
čeština: Al-Chorezmí
Deutsch: Al-Chwarizmi
Zazaki: Xarezmi
Ελληνικά: Αλ-Χουαρίζμι
Esperanto: Al-Ĥorazmi
español: Al-Juarismi
euskara: Al-Khwarizmi
Võro: Al-Horazmi
français: Al-Khwârizmî
贛語: 哈嗱嗞咪
galego: Al-Khwarizmi
hrvatski: Al-Hvarizmi
հայերեն: Ալ-Խորեզմի
íslenska: Al-Khwarizmi
la .lojban.: kuarizmis
Kabɩyɛ: Al-Khwarizmi
қазақша: Әл-Хорезми
한국어: 콰리즈미
kurdî: Xwarezmî
Latina: Algorismus
Lingua Franca Nova: Al-Khawarizmi
Limburgs: Al-Chwarizmi
lietuvių: Chorezmis
latviešu: Al-Horezmī
македонски: Ел-Хорезми
монгол: Аль-Хорезми
Mirandés: Al-Khwarizmi
Nederlands: Al-Chwarizmi
norsk nynorsk: Al-Khwarizmi
Livvinkarjala: Al-Khwarizmi
Piemontèis: Al-Huwarizmi
português: Al-Khwārizmī
română: Al-Khwarizmi
русский: Аль-Хорезми
русиньскый: Ал-Хорезмі
sicilianu: Al-Khwarizmi
srpskohrvatski / српскохрватски: Al-Hvarizmi
Simple English: Al-Khwarizmi
slovenščina: Al Horizmi
српски / srpski: Мухамед ел Хорезми
Kiswahili: Khwarizmi
Türkmençe: Al-Horezmi
Türkçe: Hârizmî
татарча/tatarça: Әл-Хәрәзми
українська: Аль-Хорезмі
oʻzbekcha/ўзбекча: Al-Xorazmiy
West-Vlams: Al-Khwarizmi
吴语: 花拉子米
中文: 花拉子米
粵語: 花剌子密