குழந்தை

8 மாத இரட்டை சகோதரிகள்

குழந்தை அல்லது கைக்குழந்தை அல்லது சிசு ஒரு மனிதனின் மிக இளைய குழந்தையை குறிக்கும். தமிழில் பச்சிளம் எனும் சொல்லும் வழக்கத்தில் உள்ளது. பொதுவாக 1 மாதம் வயது மற்றும் 12 மாதங்களுக்கு இடையே இளம் குழந்தைகளை நாம் கைக்குழந்தை என்றழைக்கலாம்.

பிறந்த குழந்தைகளுக்கான இயற்பியல் பண்புகள்

Newborn baby on blue blanket
புதிதாக பிறந்த ஒரு குழந்தை, ஒரு மணி நேரத்திற்க்கு பின்பு

புதிதாக பிறந்த ஒரு குழந்தையின் தோள்கள் மற்றும் இடுப்பு அகலமாக இருக்கும், வயிறு சற்று துருத்தியிருக்கும், மற்றும் கை கால்கள் குழந்தைகளுக்கான உடலை ஒப்பீடும் போது நீண்டு இருக்கும். உலக நாடுகளில் குழந்தைகளுக்கு சராசரி மொத்த உடல் நீளம், 35.6-50.8 செ.மீ. (14-20 அங்குலம்) எனப்படுகிறது, ஆனால், முன்கூட்டிய பிறந்த குழந்தைகளுக்கான உடலின் நீளம் மிகவும் சிறியதாக இருக்கலாம்.

எடை

பொதுவாக வளர்ந்த நாடுகளில், ஒரு முழுமையான காலத்தில் பிறந்த சராசரி குழந்தையின் எடை (7 ½ பவுண்ட்) சுமார் 3.4 கிலோ மற்றும் 2.7-4.6 கிலோ (அலகு 5.5-10 பவுண்டுகள்) வரை உள்ளது. பிறந்த முதல் 5-7 நாட்களில் குழந்தையின் உடல் எடை 3% -7% வரை குறைகிறது. [1] எடை குறைவதற்க்கான காரணம் நுரையிரலில் நிரம்பி உள்ள நீர் சிறுநீராக வெளியேறுவதனாலயே ஆகும். முதல் வாரத்திற்க்கு பின்பு, ஆரோக்கியமான குழந்தைகள் 10-20 கிராம் / கிலோ * நாளொன்றுக்கு எடை கூடுவார்கள்.

தலை

பிறந்த ஒரு குழந்தைக்கு உடலின் விகிதத்தை ஓப்பிடும் பொழுது தலை மிகப்பெரியதாக இருக்கும் மற்றும் மண்டை ஓடு முகத்தை விட பெரியதாக இருக்கும். வயது வந்தோருக்கான மனித மண்டையோடு மொத்த உடல் நீளத்தில் ஏழில் ஒரு பங்கு இருக்கும் போது, புதிதாகப் பிறந்த குழந்தைக்கு ¼ பங்கு இருக்கும். பிறந்த ஒரு குழந்தைக்கு இயல்பாக தலையின் சுற்றளவு 33-36 செ.மீ. அளவு இருக்கும். [2] குழந்தை பிறந்த பொழுது மண்டை ஓட்டின் சில பகுதிகள் எலும்பாக மாறியிருக்காது; அவை மெல்லிய பகுதிகளாக இருக்கும்.

தலையின் மேல் முன் பகுதியில் அமைந்துள்ளது வைர வடிவ முன்புற மண்டை ஓடு மற்றும் தலையின் பின்புறம் ஒரு சிறிய முக்கோண வடிவ பின்பக்க மண்டை ஓடு ஆக மொத்தம் இரண்டு பெரிய மண்டை ஓடு இருக்கின்றன. இவை இரண்டும் நாளிடைவில் இயற்கையாகவே இணைந்து விடும். நோகின் (noggin) எனப்படும் ஒரு புரதம் குழந்தையின் மண்டை ஓடுகள் இணைவதற்கு காரணம் ஆகும். [3]

மயிர்

Newborn on yellow blanket being attended to by a nurse
இந்தொநேசியவை சேர்ந்த பிறந்த குழந்தை கொப்புழ்க்கொடி அறுக்கப்படும் நிலையில் உள்ளது.

சில பிறந்த குழந்தையின் உடல் மீது மென்மையான பட்டு போன்ற மயிர் இருக்கும். முன்கூட்டியே பிறந்த கைக்குழந்தைகளுக்கு தோள்கள், நெற்றி, காதுகள் மற்றும் முகத்தில் மயிர் குறிப்பிடத்தகுந்த வகையில் இருக்கலாம். கைக்குழந்தைகள் பிறந்தபொழுது முழுமையான தலைமயிருடன் இருக்கலாம். குறிப்பாக முடியில்லாமல் புதிதாக பிறந்த குழந்தைகளில், உச்சந்தலையில் தற்காலிகமாக காயம்பட்டோ அல்லது வீக்கமாகவோ இருக்கலாம், மேலும் கண்களை சுற்றியுள்ள பகுதியில் வீங்கி இருக்கலாம்.

தோல்

அண்மையில் பிரசவித்த குழந்தையின் தோல் பெரும்பாலும் சாம்பல் அல்லது மங்கிய நீல நிறத்தில் இருக்கிறது. அதன் பின்னர் குழந்தை மூச்சு விட தொடங்கும் ஒன்று அல்லது இரண்டு நிமிடங்களில் தோலின் நிறம் அதன் இயல்பான தொனியை அடைகிறது. பிறந்த குழந்தையின் மேல் ஈரமான இரத்த கீற்றுக்களால் மூடப்பட்டிருக்கும், மேலும் வேர்நிக்ஸ் காசேசா(vernix caseosa) என அழைக்கப்படும் ஒரு வெள்ளை பொருளும் பூசப்பட்டிருக்கும். இது ஒரு எதிர்பாக்டீரியா போல செயல்படும்.

பிறப்புறுப்புக்கள்

ஆண் குழந்தைகளுக்கு பிறப்புறுப்புகள் வழக்கத்திற்கு மாறாக பெரிய விதைப்பை கொண்ட, விரிவாக்கப்பட்ட நிலையிலும் மற்றும் சிவப்பு நிறத்திலும் இருக்கும். ஆண் குழந்தைகளுக்கு கூட மார்பகங்கள் விரிவாக்கப்பட்ட அல்லது விரிந்த நிலையில் காணப்படும். இது இயற்கையாகவே தாயின் ஹார்மோன்கள் மூலம் நிகழும் ஒரு தற்காலிக நிலைதான். பெண்கள் (மற்றும் கூட ஆண்கள்) உண்மையில் (சில நேரங்களில் சூனிய பால் என அழைக்கப்படுகிறது) அவர்களது முலைக்காம்புகளிலிருந்து இருந்து பால் வெளியேற்றம் மற்றும் / அல்லது புணர்புழையின் இருந்து ஒரு இரத்தக்களரி அல்லது பால் போன்ற பொருள் வெளியேறலாம்.

தொப்புள்கொடி

ஒரு பிறந்த குழந்தையின் தொப்புள்கொடியின் வெண்ணீல நிறமாக இருக்கும். பிறந்த பின்னர், தொப்புள்கொடியானது பொதுவாக ஒரு 1-2 அங்குலம் விட்டு வெட்டப்படும். இவ்விடத்தில் தொற்று எதுவும் ஏற்படாமல் இருப்பதற்காக மருத்துவமனையில் மருத்துவ குணம் கொண்ட ஒரு சாயம் பூசப்படும், அது ஒரு ஊதா நிறத்தைக் கொடுக்கும். தொப்புட்கொடி சுருங்கி, காய்ந்து, வறண்டு, கறுப்பு நிறமாக மாறிப், பின்னர் தானாகவே 3 கிழமைகளில் விழுந்துவிடும். அந்த இடமே பின்னர் தொப்புள்ளாக காணப்படும்.

Other Languages
العربية: رضيع
asturianu: Ñácaru
Aymar aru: Wawa
azərbaycanca: Körpə
Boarisch: Buzal
беларуская: Немаўля
беларуская (тарашкевіца)‎: Немаўля
български: Бебе
বাংলা: বাচ্চা
brezhoneg: Babig
català: Nadó
کوردی: ساوا
čeština: Kojenec
Cymraeg: Babi
dansk: Baby
Deutsch: Säugling
Zazaki: Pıt
Ελληνικά: Βρέφος
English: Infant
Esperanto: Bebo
español: Bebé
فارسی: نوزاد
suomi: Vauvaikä
français: Nourrisson
Frysk: Poppe
贛語: 毛伢子
Gàidhlig: Naoidhean
Avañe'ẽ: Mitãra'y
עברית: ינקות
हिन्दी: शिशु
magyar: Csecsemő
Bahasa Indonesia: Bayi
ᐃᓄᒃᑎᑐᑦ/inuktitut: ᓄᑕᒐᒃ
日本語: 赤ちゃん
Basa Jawa: Bayi
ಕನ್ನಡ: ಶಿಶು
한국어: 아기
Кыргызча: Наристе балдар
Latina: Infantulus
Lëtzebuergesch: Puppelchen
lumbaart: Bambin
latviešu: Zīdainis
मराठी: बाळ
Bahasa Melayu: Bayi
Nāhuatl: Conetzintli
नेपाली: शिशु
नेपाल भाषा: ह्यांगु मचा
Nederlands: Baby
norsk nynorsk: Spedbarn
norsk: Spedbarn
Deitsch: Bobbeli
polski: Niemowlę
Runa Simi: Pallpa
română: Sugar
русский: Младенец
sicilianu: Lattanti
srpskohrvatski / српскохрватски: Novorođenče
සිංහල: ළදරුවා
Simple English: Baby
slovenščina: Dojenček
chiShona: Mucheche
Soomaaliga: Ilmo
shqip: Foshnja
српски / srpski: Новорођенче
Basa Sunda: Orok
svenska: Spädbarn
తెలుగు: శిశువు
ไทย: ทารก
Tagalog: Sanggol
Türkçe: Bebek
українська: Немовля
oʻzbekcha/ўзбекча: Goʻdak
Tiếng Việt: Trẻ sơ sinh
Winaray: Minasus-án
ייִדיש: עופעלע
中文: 嬰兒
Bân-lâm-gú: Âng-eⁿ-á
粵語: 孲𤘅子