Вікіпедія:Перевірительность

Інформації у Вікіпедії мусять быти вірогодны. Неясны факты, погляды, теорії і арґументы можуть быти зазначены в статї лем тогды, кідь уж были опублікованы вірогодным і решпектованым або інакше односно к темі вызначным жрідлом. В статї бы таке жрідло мало быти все написане. Хоцьяка неявна інформація, котра не є овірительна і котра не мать зазначене жрідло, може быти вымазана. „Неявным“ ся притім про цілї того правила розумить то, што даякый редактор розумно спохыбнив або бы могло быти спохыбнене.

Основным крітеріом на уведжіня хоцьякого факту у Вікіпедії є перевірительность. То значіть, же у Вікіпедії публікуєме лем такы інформації, котры суть бесспорны або рівно овірительны. Значіть, же не пишуть ся просто спохыбнительны факты, теорії або погляды як факт, а непохыбны інформації о тім, хто і як такы (спохыбнительны або похыбны) факты, теорії або погляды вызначным способом публіковав, і кідь ся дасть так і крітікы ці вспачны погляды. В такім припадї мать быти зазначеный одказ на вірогодне жрідло. За спохыбнительне годен тримати як тверджіня, котры суть векшыново обще приїманы, так тверджіня, котры суть триманы як мінорітны ці незвычайны.

Вікіпедія:Перевірительность є так єдным з трёх основных правил про створёваня контенту Вікіпедії. Дві далшы важны правила суть Вікіпедія:Жадне властне баданя і Вікіпедія:Непредвзятый погляд. Дотримованя тых правил має прінціпіалный вплив на якость матеріалів, котры суть акцептованы в головнім просторї назв Вікіпедії. Тоты правила бы але на мали быти інтерпретованы екстра, а мали бы быти розумлены як комплетный цїлок. Приспівателї бы ся мали познакомити зо вшыткыма правилами такой од початку.

Правило скорочено

  1. Статї бы піля явных інформацій мали обсяговати лем інформації, котры были опублікованы вірогодным жрідлом і решпектованым або інакше сполоченьскы вызначным односно к темі статї.
  2. Редакторы бы мали у каждій новій неявній інформацій увести вірогодне жрідло. Тверджіня, котре не годен вірогодно овірити, може хоцьхто із статї вылучіти.
  3. Повинность опубліковати вірогодне жрідло лежыть на редакторови, котрый неявну інформацію додав, та не на тім, хто єй вырїшыв вылучіти.
Other Languages
беларуская (тарашкевіца)‎: Вікіпэдыя:Магчымасьць праверкі
Bahasa Indonesia: Wikipedia:Pemastian
Bahasa Melayu: Wikipedia:Pengesahan
srpskohrvatski / српскохрватски: Wikipedia:Proverljivost
Simple English: Wikipedia:Verifiability