ହୁମା କୁରୈଶୀ

ହୁମା କୁରୈଶୀ
Huma Qureshi at Zee Cine Awards 2013.jpg
୨୦୧୩ର ଜୀ ସିନେ ଆୱାର୍ଡ଼ରେ ହୁମା
ଜନ୍ମ ଓ ଜନ୍ମସ୍ଥାନହୁମା ସଲୀମ କୁରୈଶୀ
୨୮ ଜୁଲାଇ ୧୯୮୬ (1986-07-28) (୩୧ ବର୍ଷ)
ନୂଆ ଦିଲ୍ଲୀ, ଭାରତ
ଜାତୀୟତାଭାରତୀୟ
ଶିକ୍ଷାନୁଷ୍ଠାନଦିଲ୍ଲୀ ବିଶ୍ୱବିଦ୍ୟାଳୟ
ଜୀବିକାଅଭିନେତ୍ରୀ
ମଡେଲ
କାର୍ଯ୍ୟକାଳ୨୦୧୨- ଏବେଯାଏଁ
ସମ୍ପର୍କୀୟସକିବ୍ ସଲୀମ୍ (ଭାଇ)

‌ହୁମା କୁରୈଶୀ‌ (ଜନ୍ମ: ୨୮ ଜୁଲାଇ ୧୯୮୬) ଜଣେ ଭାରତୀୟ କଥାଚିତ୍ର ଅଭିନେତ୍ରୀ ଏବଂ ମଡେଲ ।[୧]

ହୁମା ଦିଲ୍ଲୀ ବିଶ୍ୱବିଦ୍ୟାଳୟରୁ ଇତିହାସରେ ସ୍ନାତକ ହାସଲ କରିବା ପରେ ଥିଏଟର ଅଭିନେତ୍ରୀ ଭାବରେ ଅଭିନୟ କରିବା ସ‌ହ ମଡେଲିଂରେ ଯୋଗ ଦେଇଥିଲେ । କିଛି ଥିଏଟରରେ ଅଭିନୟ କରିବା ପରେ ହୁମା ମୁମ୍ବାଇ ଯାଇଥିଲେ ଏବଂ ଦୂରଦର୍ଶନର ବିଜ୍ଞାପନରେ ଅଭିନୟ ପାଇଁ ସେ ହିନ୍ଦୁସ୍ତାନ ଇଉନିଲିଭର ସ‌ହ ୨ବର୍ଷର ଚୁକ୍ତି କରିଥିଲେ । ସାମସଙ୍ଗ ମୋବାଇଲର ଏକ ବିଜ୍ଞାପନର ସୁଟିଂରେ ନିର୍ଦ୍ଦେଶକ ଅନୁରାଗ କଶ୍ୟପ ହୁମାଙ୍କୁ ଦେଖିଥିଲେ ଏବଂ ତାଙ୍କର ଅଭିନୟ ଦକ୍ଷତା ପାଇଁ ତାଙ୍କ ସ‌ହ ତିନୋଟି ଚଳଚ୍ଚିତ୍ର କରିବା ପାଇଁ ଚୁକ୍ତି କରିଥିଲେ ।

୨୦୧୨ରେ ହୁମା ହିନ୍ଦୀ କଥାଚିତ୍ର ‌ଗ୍ୟାଙ୍ଗ୍‌ସ୍ ଅଫ୍ ୱାସେପୁର‌ ଜରିଆରେ ଅଭିନୟ ଜଗତରେ ପ୍ରବେଶ କରିଥିଲେ । ଏହି ଚଳଚ୍ଚିତ୍ରଟିର ଦୁଇଟି ଭାଗରେ ହୁମା ଅଭିନୟ କରିଥିଲେ । ଏହି ଚଳଚ୍ଚିତ୍ରରେ ହୁମାଙ୍କର ଅଭିନୟ ଅନେକ ପୁରସ୍କାର ପାଇଁ ମନୋନୀତ ହୋଇଥିଲା, ତନ୍ମଧ୍ୟରୁ ଫିଲ୍ମ‌ଫେୟାରରେ ଶ୍ରେଷ୍ଠ ନବାଗତା ଭାବରେ ମଧ୍ୟ ମନୋନୀତ ହୋଇଥିଲେ ।ଏହି ବର୍ଷ ହୁମାଙ୍କର ଅନ୍ୟ ଏକ ଚଳଚ୍ଚିତ୍ର ଲଭ୍ ସଭ୍ ତେ ଚିକେନ ଖୁରାନା ଏବଂ ଏକ୍ ଥି ଡାଏନ୍ ମୁକ୍ତିଲାଭ କରିଥିଲା । ଏହାପରେ ସେ ସର୍ଟସ୍, ଦେଡ଼୍ ଇସ୍କିୟା, ବଦ୍‌ଲାପୁର, ହାଇୱେ, ଜଲି ଏଲ୍ ଏଲ୍ ବି-୨ ଭଳି ଚଳଚ୍ଚିତ୍ରରେ ଅଭିନୟ କରିଥିଲେ ।

ପ୍ରାରମ୍ଭିକ ଜୀବନ

ହୁମା ୨୮ ଜୁଲାଇ ୧୯୮୬ରେ ନୂଆ ଦିଲ୍ଲୀରେ[୨][୩] ଏକ ମୁସଲମାନ ପରିବାରରେ ଜନ୍ମଗ୍ରହଣ କରିଥିଲେ ।[୪] ତାଙ୍କ ବାପା ସଲୀମ କୁରୈଶୀ ଜଣେ ରେସ୍ତେଗାଁ ମାଲିକ, ତାଙ୍କ ଅଧିନରେ କିଛି ରେସ୍ତେଗାଁ ରହିଛି ।[୫] ଏବଂ ତାଙ୍କ ମାଆ ଅମୀନା କୁରୈଶୀ ଜଣେ ଗୃହିଣୀ ।[୬][୭] ହୁମାଙ୍କର ତିନିଜଣ ଭାଇ ଅଛନ୍ତି, ତନ୍ମଧ୍ୟରୁ ସକିବ୍ ସଲୀମ୍ ମଧ୍ୟ ଜଣେ ଅଭିନେତା ।[୭][୮] ହୁମା ଦିଲ୍ଲୀ ବିଶ୍ୱବିଦ୍ୟାଳୟରୁ ଇତିହାସରେ ସ୍ନାତକ ହାସଲ କରିଛନ୍ତି ।[୯][୧୦] ଏହାପରେ ସେ ଏକ ଟିଏଟରରେ ଯୋଗ ଦେଇଥିଲେ । ହୁମା କିଛି ବେସରକାରୀ ସଂସ୍ଥା ସ‌ହ ଯୋଡ଼ି ହୋଇ ମଧ୍ୟ କିଛି କାର୍ଯ୍ୟ କରିଛନ୍ତି । ଜଣେ ଡକୁମେଣ୍ଟାରୀ ଚଳଚ୍ଚିତ୍ର ନିର୍ଦ୍ଦେଶକଙ୍କ ସ‌ହ ମଧ୍ୟ ସେ କାର୍ଯ୍ୟ କରିଛନ୍ତି ।[୬]

୨୦୦୮ରେ ହୁମା ମୁମ୍ବାଇ ଯାଇଥିଲେ । ଏକ ଚଳଚ୍ଚିତ୍ରର ଅଡ଼ିସନ୍ ପାଇଁ ହୁମା ମୁମ୍ବାଇ ଆସିଥିଲେ, ମାତ୍ର ସେ ଚଳଚ୍ଚିତ୍ରଟି ନିର୍ମାଣ ହୋଇପାରିନଥିଲା ।[୬] ଏହାପରେ ହୁମା ଏକ ଦୂରଦର୍ଶନ ବିଜ୍ଞାପନ ସଂସ୍ଥା ସ‌ହ ବିଜ୍ଞାପନରେ ଅଭିନୟ କରିବା ପାଇଁ ଏକ ଦୁଇବର୍ଷିୟା ଚୁକ୍ତି କରିଥିଲେ ।[୧୧] ଏହି ସମୟରେ ହୁମା ଅଭିନେତା ଅମିର ଖାଁ ଏବଂ ଶାହାରୁଖ ଖାଁଙ୍କ ଭଳି ଅଭିନେତାମାନଙ୍କ ସ‌ହ ମଧ୍ୟ ବିଜ୍ଞାପନରେ କାର୍ଯ୍ୟ କରିଥିଲେ ।[୧୧][୧୨] ସାମସଙ୍ଗ ମୋବାଇଲର ଏକ ବିଜ୍ଞାପନର ସୁଟିଂ ବେଳେ ଚଳଚ୍ଚିତ୍ର ନିର୍ଦ୍ଦେଶକ ଅନୁରାଗ କଶ୍ୟପ ହୁମାରକୁ ଦେଇଥିଲେ ଏବଂ ଅଭିନୟ ଦକ୍ଷତା ଦେଖି ତାଙ୍କୁ ତାଙ୍କର ଚଳଚ୍ଚିତ୍ରରେ ସୁଯୋଗ ଦେବାକୁ କ‌ହିଥିଲେ । ଏହାପରେ ଅନୁରାଗ ହୁମାଙ୍କ ସ‌ହ ତିନୋଟି ଚଳଚ୍ଚିତ୍ର କରିବା ପାଇଁ ଚୁକ୍ତି କରିଥିଲେ ।[୬]

Other Languages