Psiquisme

Lo psiquisme es l’ensems, conscient o inconscient, considerat dins sa totalitat o parcialament, dels fenomèns, dels proceses tocant a l’esperit, de l’intelligéncia e de l’afectivitat e constituissent la vida psiquica. Lo tèrme Psiqué es a vegada emplegat dins lo meteis sens, subretot per Jung e lo movement de la psicologia analitica.

Dins un autre sens, lo mòt psiquisme designa un ensems particular dels fenomèns psiquics formant un tot. Per exemple: lo psiquisme inconscient, lo psiquisme animal, lo psiquisme morbid[1].

De mai, lo tèrme psiquisme es tanben utilizat en esoterisme per designar la capacitat a influenciar son mitan per la sola fòrça de l'esperit. Dins aquel sens, pòt èsser considerat coma sinonim dels mots psionisme e psicurgia. Per exemple la telequinesia e la telepatia serián de psiquisme.

Notas e referéncias

  1. (fr)Paul Foulquié, Dictionnaire de la langue philosophique, PUF 1986
Other Languages
français: Psychisme
português: Psiquismo