Illas Marquesas

Illas de las Marquesas
Îles des Marquises
Flag of Marquesas Islands.svg
Karta FP Marquesa isl.PNG
Superfícia997 km2
Populacion
Densitat
8,66 (2008)

Las illas Marquesas (îles Marquises en francés) forman un dels cinc archipèlas de la Polinesia Francesa.

Foguèron nomenadas atal per l'espanhòl Álvaro de Mendaña de Neira que las aprochèt en 1595. Lor donèt aquel nom en onor de son protector García Hurtado de Mendoza, marqués de Cañete, qu'èra tanben vicerei de Peró. Mendaña en primièr visitèt Fatu Hiva puèi Tahuata abans d'anar a las illas Salamon.

Istòria

Bandièra de las illas Marquesas[1]

Las Marquesas èran abitadas per de Polinesians dempuèi lo sègle III AbC, Las observacions etnologicas e los ligams de parentat lingüistica daissan pensar que venián de Samoa.

Cada val èra lo territòri d’una tribú amb un sistèma social pròpri, una aristocracia e un clergat. D’interminablas guèrras tribalas opausavan los Marquesians que praticavan lo canibalisme ritual amb los presonièrs de guèrra.

Lo primièr Europèu que los descobriguèt foguèt l'espanhòl Álvaro de Mendaña de Neira en 1595. Pendent son viatge de Peró a las illas Salamon, encontrèt las illas del sud: Magdalena (Fatu Hiva), Dominica (Hiva Oa), Santa Cristina (Tahuata) e San Pedro (Moho Tani). Dos sègles passèron abans qu’un autre Europèu, James Cook, i tornèsse e demorèsse mai d’un mes per se repausar de son exploracion de l’Antartic.

En 1791, l’American Joseph Ingraham descobriguèt las illas del grop nòrd: Federal (Ua Huka), Washington (Nuku Hiva) e Adams (Ua Pou). Las nomenèt « las illas Washington ».[2] Dos meses mai tard, foguèt lo torn del francés Étienne Marchand. Prenguèt l’archipèla al nom de França e lo nomenèt « illas de la Revolucion ». Las illas foguèron nomenadas de son nom e d'aquel de sos segonds: Marchand (Ua Pou), Masse (Eiao) e Chanal (Hatutu), de sos comanditaris Baux (Nuku Hiva) e d'una particularitat geomorfologica, Deux Frères (Dos Fraires) (Motu Iti).

En 1813, pendent la guèrra angloamericana, l’American David Porter establiguèt una basa navala sus las illas Madison. Mas aprèp la guèrra, los Estats Units d'America ratifiquèron pas aquela possession.

En 1842, lo Francés Aubert Du Petit-Thouars prenguèt l’archipèla e èra partida dels Establiments Franceses d'Oceania. Dempuèi aquela epòca, Du Petit-Thouars e Guizot, desirèron de far de las illas Marquesas un luòc de deportacion, una pena prevista pels crimes politics mas pas encara aplicada. La lei del 8 de junh de 1850 definiguèt las illas Marquesas coma luòc de deportacion.

Las illas Marquesas son incorporadas al territòri d'otramar de la Polinesia Francesa en 1958, aprèp la victòria de l'« òc » al referendum.

Other Languages
Afrikaans: Marquesaseilande
العربية: جزر ماركيساس
asturianu: Islles Marqueses
brezhoneg: Inizi Markiz
čeština: Markézy
Deutsch: Marquesas
Ελληνικά: Νήσοι Μαρκέζας
Esperanto: Markizinsuloj
español: Islas Marquesas
euskara: Markesak
føroyskt: Marquesasoyggjar
français: Îles Marquises
Gàidhlig: Na Marquesas
Hawaiʻi: Nuʻuhiwa
עברית: איי מרקיז
Bahasa Indonesia: Kepulauan Marquesas
italiano: Isole Marchesi
lietuvių: Markizo salos
latviešu: Marķīza salas
македонски: Маркиски Острови
Bahasa Melayu: Kepulauan Marquesas
Nederlands: Marquesaseilanden
norsk nynorsk: Marquesasøyane
polski: Markizy
Simple English: Marquesas Islands
Gagana Samoa: Marquesas
српски / srpski: Маркиска острва
Türkçe: Markiz Adaları
татарча/tatarça: Маркиз утраулары
українська: Маркізькі острови
oʻzbekcha/ўзбекча: Markiz orollari
Tiếng Việt: Quần đảo Marquises
Bân-lâm-gú: Marquises Kûn-tó