Cercle antartic

Mapa del monde indicant lo cercle antartic en roge

Lo cercle antartic es un dels cinc parallèls principals indicats sus las mapas terrèstras. Es lo parallèl de 66° 33' 39" de latitud sud, la latitud pus septentrionala ont se pòt observar lo solelh de mièjanuèit al solstici de decembre. Foguèt traversat pel primièr còp lo 17 de genièr de 1773 per l'explorator britannic James Cook.

Definicion

Lo cercle antartic marca lo limit nòrd del jorn polar al solstici de decembre e de la nuèit polara al solstici de junh. Al delà del cercle antartic, lo solelh demòra en dessús de l'orizont pendent almens vint-e-quatre oras d'arrèu almens un còp l'an (solelh de mièjanuèit). Recipròcament, lo solelh demòra en dejós de l'orizont pendent almens vint-e-quatre oras d'arrèu al mens un còp l'an.

A causa de la refraccion e que lo solelh apareis coma un disc e pas coma un punt, se pòt apercebre una partida del solelh de mièjanuèit la nuèit del solstici de decembre fins a 50' (90 km) al nòrd del cercle antartic (del meteis biais, al solstici de junh, se pòt apercebre una partida del solelh fins a 50' al sud del cercle antartic). Aquò se verifica al nivèl de la mar: de s'auçar aumenta aquelas valors.

Other Languages
azərbaycanca: Cənub Qütb dairəsi
беларуская (тарашкевіца)‎: Паўднёвы палярны круг
贛語: 南極圈
Bahasa Indonesia: Lingkar Antartik
日本語: 南極圏
한국어: 남극권
Bahasa Melayu: Garisan Antartik
Nederlands: Zuidpoolcirkel
srpskohrvatski / српскохрватски: Antarktički krug
Simple English: Antarctic Circle
slovenščina: Južni tečajnik
српски / srpski: Јужни поларник
Tiếng Việt: Vòng Nam Cực
吴语: 南極圈
中文: 南極圈
粵語: 南極圈