Oosters-Orthodoxe Karke

Pinkster wodt in de Oosters-Orthodoxe Karke zien as de geboorte van de Karke

De Oosters-Orthodoxe Karke of de Orthodoxe Karke (officieel: de Orthodox-Kattelieke Karke) ziet heurzels as vortzetting van de iene, heilige, kattelieke en apostolische Karke die deur Jezus Kristus en zien apostels opricht is, zoe'n 2.000 jaor weeromme. De Griekse naeme 'orthodox' betekent letterlik 'rechtgeleuvig', 'et waore geleuf behooldend' en 'juuste leer', en wodt in die zin ok wel bruukt as synoniem veur 'rechtzinnig' of 'streng in de leer'.

Disse Karke vormt de groep Chalcedonenzische Orthodoxe Karken: Karken die de leer van et koncilie van Chalcedon volgen.

Et woord orthodox betekent taelkundig 'juuste anbidding' en 'juuste leer', en wodt in die zin ok wel bruukt as synoniem veur 'rechtzinnig' of 'streng in de leer'. In die zin wodt et ok veur protestaanse groepen en stromings binnen et kattelicisme bruukt.

De orthodoxe gemienschop anveerdt allienig de dogmes die vaastelegd bin in de eerste zeuven eukemenische koncilies en verwarpt de laetere, hoewel de orthodoxen veulal wel in bieveurbeeld de Tenhemelopneming van Maria geleuven. Disse geleufspunten nemen zi'j liekewel niet as dogmes an, omdat zi'j deur de Paus van Rome allienig definieerd binnen.

De Oosters-Orthodoxe Karke is nao de Rooms-Kattelieke Karke de grootste kristelike kommunie ter wereld, en is de dadde-grootste geleufsgroep nao et protestaantisme. De Oosters-Orthodoxe Karke het omdebi'j 300 miljoen leden wereldwied en het de grootste anhang in Oost-Europa, d'r bin liekewel ok aandere dielen waor de Oosters-Orthodoxe Karke aktief is zoas Afrika, Azië, Noord-Amerike en Australië. De Karke is wereldwied veural bekend om zien religieuze ikonen, die soms wel miljoenen weerd bin.

De Oosters-Orthodoxe Karken warken nog altied mit de juliaanse kelender, hierdeur feest- en gedaenkdaegen op aandere daegen valen as bi'j oons.

D'r bin verschillende oosters-orthodoxe karken, waor de Grieks- en Russisch-Orthodoxe Karke de bekendste binnen. In Frieslaand bin twie oosters-orthodoxe perochies in Hemelum en in De Pompe.

  • uutgaonde verwiezings

Uutgaonde verwiezings


Wikimedia Commons Commons: Oosters-Orthodoxe Karke - plaetjes, filmkes en/of geluudsbestaanden.
Other Languages
Alemannisch: Orthodoxe Kirchen
aragonés: Ilesia Ortodoxa
asturianu: Ilesia Ortodoxa
žemaitėška: Stačiatėkībė
беларуская (тарашкевіца)‎: Праваслаўная царква
brezhoneg: Iliz Ortodoks
kaszëbsczi: Prawòsławié
emiliàn e rumagnòl: Ceṡa Urtudòsa
Kreyòl ayisyen: Legliz Òtodòks
interlingua: Ecclesia Orthodoxe
Bahasa Indonesia: Gereja Ortodoks Timur
日本語: 正教会
한국어: 동방 정교회
Кыргызча: Православие
Lingua Franca Nova: Ortodoxisme
lumbaart: Ciexa Ortodossa
lietuvių: Stačiatikybė
македонски: Православна црква
Bahasa Melayu: Gereja Ortodoks Timur
مازِرونی: شرقی ارتدوکس
norsk nynorsk: Ortodoks kristendom
português: Igreja Ortodoxa
Runa Simi: Chiqan Iñitsay
sicilianu: Chiesa Ortudossa
davvisámegiella: Ortodoksalaš girku
srpskohrvatski / српскохрватски: Pravoslavna crkva
Simple English: Eastern Orthodox Church
српски / srpski: Православна црква
Tok Pisin: Kristen Otodos
татарча/tatarça: Pravoslavie
oʻzbekcha/ўзбекча: Pravoslav cherkovi
吴语: 东正教
中文: 正教會
Bân-lâm-gú: Tang Chèng-kàu
粵語: 東正教