Media

Beeldmoark van Trouw, ne bekeande Neerlaandse kraante

Media is t meervoold van medium. n Medium is, nöast aandere dinge, n hulpmiddel vuur kommunikasie. Det kan met ene, mer ook met völle leu of instansies tegelieke. Media zeent (oawer)dreagers van berichen en informasie.

Skoonwal media van oorsproonk n Latiens woard is det in t mearvoold steet, wörd in Europa vake as eankelvoold gebroekt.

Ontwikkeling

Seend t 17de joarhoonderd he'j al dag- en wekblaadn en wiedverspreide pamfletn. Töt t eande van t 19e joarhoonderd was vuural t moondelinge, eskreewne of edrukte woard t belangriekste kommunikasiemiddel. Mer doarnoa kömn doar fotografie, tellegrafie, tellefonie, film en in t 20ste joarhoonderd nog radio en tellevisie bie.

In de neegntiger joarn van t twentigste joarhoonderd gungn de leu massaal oawer op t internet, woerbie berichtoetwisseling nog rapper gung, en leu van oawer de hele wearld met mekoar verbeundn wördn. Aanders as edacht, bliewt aandere "euldere" media, zo as de radio en tellevisie, de kraante ondaanks t internet wal bestoan. Disse euldere media kan zelfs t internet gebroekn as 'medium' vuur zikzelf. Kraantn, tellevisie- en radiostasjons hebt rechtevoort allemoal ne webstea op t internet.

De opinieblaadn, dee't per wekke of moand verskient, leawert achtergroondinformasie en loopt t niejs noa. t internet wörd ook hierin aal belangrieker. t Gef leazers ook de meugelikheaid zelf rap te reageern.

Massamedia kö'j opdeeln in publieke en kommersjele media. Publieke media hebt as doel um nit-gekluurde, earlike en onofhaankelike informasie te verspreaidn. De kommersjele media weelt vuural geeld verdeenn an t verspreaidn van informasie, of bepoalde leu wille bezorgen. Det hooft nit te beteekn det öare informasie nit ongekluurd of earlike is, mer as t met de ekonomie nit good geet, hef det meteen invlood op disse media.

Other Languages
brezhoneg: Media
bosanski: Masovni mediji
eesti: Meedia
euskara: Komunikabide
فارسی: رسانه
suomi: Media
français: Média
hrvatski: Mediji
Bahasa Indonesia: Media komunikasi
Limburgs: Media
lietuvių: Media
Bahasa Melayu: Media
Nederlands: Communicatiemiddel
русский: Медиа
srpskohrvatski / српскохрватски: Masovni mediji
slovenščina: Občilo
српски / srpski: Медији
தமிழ்: ஊடகம்
українська: Медіа
Tiếng Việt: Media (truyền thông)
中文: 传播媒体
Bân-lâm-gú: Thoân-pò͘ mûi-thé