Англиски јазик

Англиски
English
Изговор	/ˈɪŋɡlɪʃ/ [1]
Застапен во	наведени во статијата
Говорници	Прв јазик: 309[2] – 380 милиони[3] Втор јазик: 199[4] – 600 милиони[5] Вкупно: 1,8 милијарди[6]
Јазично семејство	индоевропско германско западногерманско англофризиско англиски
Писмо	латиница (англиска варијанта)
Статус
Службен во	53 земји  ООН
Јазични кодови
ISO 639-1	en
ISO 639-2	eng
ISO 639-3	eng
Земјите, државите и провинциите во светот каде англискиот е главен јазик се темносини; земјите, државите и провинциите каде тој е офоцијален, но не главен се светлосини. Англискиот е и еден од службените јазици на Европската Унија.

EN (ISO 639-1)

Англиски јазик (самонар. English language) — западногермански јазик со потекло од Англија, и мајчин јазик на најголемиот број на луѓе во Австралија, Ирска, Канада, Комонвелтските Кариби, Нов Зеланд, Обединетото Кралство и САД (групно наречени Англосфера). Во голема мера се користи како втор јазик и како службен јазик низ светот, особено во земјите од Комонвелтот како Индија, ЈАР, Пакистан и Шри Ланка и од многу меѓународни организации.

Современиот англиски јазик може да се рече дека е лингва франка.^[7][8] Англискиот е доминантен меѓународен јазик во комуникациите, науката, деловното работење, воздухопловството, медиумите и дипломатијата.^[3] Влијанието на Британската империја е главната причина за првичното проширување на јазикот далеку од Британските Острови.^[9] По Втората светска војна, растечкото економско и културно влијание на САД значително го има забрзано ова ширење на јазикот.

Познавање на англискиот јазик се бара во работењето на извесни полиња, професии и занимања. Како резултат на ова најмалку една милијарда луѓе зборуваат англиски барем основно. Англискиот е еден од шесте службени јазици на Обединетите Нации.