Linguas austronesian

La linguas austronesia
Partes ueste de la linguas austronesian
Partes este de la linguas austronesian

La familia de linguas austronesian inclui sirca 1000 linguas, parlada par sirca 250 milion persones. Melaiu e indonesian (per la plu, la mesma lingua) ave sirca 140 milion parlores. Otra esemplos es malagasi en Africa, tagalog en la Pilipinas, la linguas orijinal de Formosa (Taiuan), e la multe linguas de la isolas Pasifica.

Teorial, la orijina de la linguas austronesian es Taiuan (Bellwood, 1991)[1]. Multe linguas ia evolui de acel punto. Tagalog, indonesian, hauaian, tahiti, maori, e multe otras es membros de la familia lingual.

La ramos de la linguas, seguente Smith (2017) per la sfero ueste:

Colores refere a la mapa du a supra:

  • Moclenic (negra) - Du linguas: mocen (incluinte la lingua de la "Vagores de mar" de Tai e Miama, e moclen, en Tai sude
  • Pilipinica (roja) - linguas de Pilipinas e Sulawesi norde, e iami en Taiuan
  • Indonesian ueste (jala) - Malaisia, Borneo, Djava, Bali, etc; malagasi, parlada en Madagasicara, es incluida en esta grupo
  • Sumatran (verde) - Sumatra e isolas prosima
  • Sulawesi sude (azul) - la linguas de la bugis e otras de Sulawesi sude e ueste
  • Sulawesi sentral (blue) - Sulawesi sentral e sude-este
  • Malukan ( purpur) Malaio-Polinesian central) - La Isolas Sunda minor, Maluku, e Timor este
  • Belauan (blanca) - La Republica de Belau

Colores refere a la mapa tre a supra:

  • Txamoro (negra) - La Isolas Mariana norde a la este de Pilipinas, e Guam
  • Oseanica (Malaio-Polinesian este) - La isolas de la Mar Pasifica
    • Linguas de la Isolas Manus (la Amiralia) e Iap (oranje)
    • linguas de San Matias (jala) - la Isolas San Matias
    • Oseanica ueste (verde) - Er Nova, partes de Britan Nova, areas de la costa norde e este de Papua Gine Nova
    • Linguas de Temotu (purpur oscur) - la provinse de Temotu en la Isolas Solomon
    • Linguas de la Solomones sude-este (burgonia)
    • Oseanica sude (blu) - Vanuatu e Caledonia Nova
    • Micronesian (purpur-ros) - la isolas de Micronesia, incluinte Ciribas e la Isolas Majel
    • Viti-polinesian (ocer) - la isolas de Polinesia este, incluinte Hawaii e Zeland Nova, cual ia orijina en Viti (Fiji);

Linguas formosan - Un grupo de linguas posible incluida de la familia; Taiuan es sujesteda como la pais orijinal de la linguas austronesian

  • refere

Refere

  1. Peter Bellwood, The Austronesian Dispersal and the Origin of Languages. Scientific American. (julio 1991).
Other Languages
azərbaycanca: Avstroneziya dilləri
客家語/Hak-kâ-ngî: Nàm-tó Ngî-hì
Bahasa Indonesia: Rumpun bahasa Austronesia
Māori: Austronesian
Dorerin Naoero: Edorer Otereinitsiya
norsk nynorsk: Austronesiske språk
srpskohrvatski / српскохрватски: Austronezijski jezici
Simple English: Austronesian languages
slovenščina: Avstronezijski jeziki
oʻzbekcha/ўзбекча: Avstronez tillari
Tiếng Việt: Ngữ hệ Nam Đảo
吴语: 南島語系
中文: 南島語系
Bân-lâm-gú: Lâm-tó gí-hē
粵語: 南島語系