Kurt Waldheim

Kurt Waldheim
Kurt Waldheim árið 1971.
Aðalritari Sameinuðu þjóðanna
Í embætti 1. janúar 1972 – 31. desember 1981
Forseti Austurríkis
Í embætti 8. júlí 1986 – 8. júlí 1992
Persónulegar upplýsingar
Fædd(ur)	21. desember 1918 Sankt Andrä-Wördern, Austurríki
Dáin(n)	14. júní 2007 (88 ára) Vín, Austurríki
Þjóðerni	Austurrískur
Stjórnmálaflokkur	Austurríski þjóðarflokkurinn
Maki	Elisabeth Waldheim
Börn	Lieselotte, Gerhard, Christa
Háskóli	Diplomatische Akademie Wien
Atvinna	Lögfræðingur, erindreki
Undirskrift

Kurt Waldheim (21. desember 1918 – 14. júní 2007) var austurrískur erindreki og stjórnmálamaður. Hann var aðalritari Sameinuðu þjóðanna frá 1972 til 1981 og forseti Austurríkis frá 1986 til 1992.

Waldheim varð mjög umdeildur þegar í ljós kom að hann hafði tekið þátt í ýmsum aðgerðum nasista í seinni heimsstyrjöldinni. Þ. á m. kom upp á borðið að hann hefði verið foringi í birgðadeild þýska innrásarhersins í Júgóslavíu og hafi sem slíkur verið ábyrgur fyrir nauðungarflutningum á sextíu og átta þúsund manns úr héraðinu Kozara árið 1942.^[1] Jafnframt hafi Waldheim verið sæmdur orðu af fasistasamtökum fyrir frammistöðu sína í stríðinu.^[2]

Eftir að upplýsingar um nasistaferil Waldheim komu í ljós var honum meinað landvistarleyfi í Bandaríkjunum og ýmsum öðrum ríkjum. Hann bauð sig ekki fram í annað sinn þegar forsetatíð hans lauk árið 1992.