Centrafrika

Centrafrika
République Centrafricaine
Ködörösêse tî Bêafrîka
Flag of the Central African Republic.svgCoat of arms of the Central African Republic-NEW.png
Standardo di CentrafrikaBlazono di Centrafrika
Nacionala himno:
La Renaissance
E Zingo
LocationCentralAfricanRepublic.svg
Urbi:
Chefurbo:Bangui
· Habitanti:697 690 (2003)
Precipua urbo:Bangui
Lingui:
Oficala lingui:Franca e Sango
Guvernerio:
Tipo:Republiko
· Prezidanto:Faustin-Archange Touadéra
· Chefministro:Simplice Sarandji
Surfaco: (43ma granda)
· Totala:622 941 km²
· Aquo:0 %
Habitanti: (116ma granda)
· Totala:5 745 062[1] (julio 2018)
Plusa informi:
Valuto:Franko CFA di Central Afrika
Veho-latero:dextre
ISO:CF
CAF
140
Reto-domeno:.cf*
Precipua religio:kristanismo (67,8%)


Centrafrika esas lando senlitora en central Afrika. Lu havas kom vicini Chad norde, Sudan nord-weste, Sud-Sudan este, Demokratial Republiko Kongo e Republiko Kongo sude, e Kamerun weste. Segun statistiki de 2018, ol havis 5 745 062 habitanti.[1] Lua tota surfaco esas cirkume 620 mil km².

Bazala fakti pri Centrafrika.

Historio

La megaliti de Bouar evas de Neolitiko.
 Precipua artiklo: Historio di Centrafrika

Cirkume 10 mil yari ante nun, l'expanso dil dezerto Sahara ekpulsis populi chaseri-rekolieri adsude, vers la regiono Sahel, ube multa ek ta populi establisis su.[2] Ca socii developis agrokultivo dum neolitiko. Komence li kultivis inyamo, pose milyeto e sorgumo.

Inter 1000 aK e la yaro 1000 populi qua parolis lingui Ubangiana expansis este tra la teritorio di la nuna Centrafrika. Dum la sama epoko, populi bantua-parolanti migris ed establisis su sud-weste de la regiono. Ante la 19ma yarcento la habitantaro di la regiono vivis sude de la expanso-lineo di islamo, e havis poka kontakti kun Mohamedana populi. Erste dum ta epoko la religio islamala komencis expansar, pro la komercala kontakti inter la du regioni dum la komenco dil yarcento. Pos 1850, Araba komercisti di sklavi komencis penetrar la regiono. Li kaptis sklavi ed uzis fluvio Ubangi por atingar la litoro e vendis la sklavi por Amerika. La sklavo-komerco diminutis permanante la habitantaro di Centrafrika.[3]

Francia establisis en la rivo dil fluvio Ubangi en 1889 e fondis Bangui. La regiono recevis la nomo Ubangi-Shari. En 1911 Francia cedis la regioni Sangha e Lobaye a Germania, qua okupis ol til l'unesma mondomilito.

En 1925 Franca skriptisto André Gide skribis Voyage au Congo, libro qua deskriptis la pavoriganta konsequantaji di konskriptadi por konstructar la ferovoyo qua ligus Kongo ad Atlantiko. La libro deskriptis detaloze la kruelega traito dal employati de la konstrukto-kompanio kontre Centr-Afrikani.

Dum la yari 1930ma Ubangi-Shari komencis produktar kotono, teo e kafeo, e l'exploto di oro e diamanto komencis en la westo. Chosei konstruktesis por exportacar la produkturi, e kampanio-hospitali instalesis por kombatar dormo-maladeso, transmisata dal musho tsetse.

Ye la 1ma di decembro 1958 Ubangi-Shari divenis autonoma regiono, kun Barthélemy Boganda kom chefministro. Ye la 13ma di agosto 1960 Centrafrika nedependeskis de Francia, e David Dacko divenis lua unesma prezidanto. Dacko guvernis til la 31ma di decembro 1965, kande lora kolonelo Jean-Bédel Bokassa revokis ilu per stato-stroko.

Bokassa uzis la titulo di prezidanto por guvernar de la 1ma di januaro 1966 til la 4ma di decembro 1976. Ca dio, ilu proklamis su imperiestro, kun la titulo Bokassa la 1ma. Lua diktatoreso duris til la 20ma di septembro 1979, kande ilu revokesis de la povo per stato-stroko komandata da David Dacko, qua helpesis da Francia. Dacko guvernis itere la lando til ke stato-stroko sensanga, komandita da André Kolingba, ekpulsis ilu ye la 1ma di septembro 1981.

Kolingba guvernis kom militarala diktatoro til 1986, kande ilu prizentis nova konstituco, qua aprobesis per referovoto. Pose, eventis prezidantala elekto, en qua Kolingba elektesis por guvernar de 1986 til 1992.

En 1993 eventis elekti kun la helpo di internaciona komunitato, e Ange-Félix Patassé vinkis. Nova konstituco aprobesis ye la 28ma di decembro 1994. En 2003, malgre suportata da 1000 Libiana soldati, Patassé revokesis per stato-stroko komandita dal generalo François Bozizé.

En 2012 komencis interna milito kontre la rejimo di François Bozizé. Ye la 24ma di marto 2013 rebeli marchis aden Bangui e revokis Bozizé. Michel Djotodia asumis la prezidanteso, e lora chefministro Nicolas Tiangaye pregis la helpo dil Unionita Nacioni por sendar paco-trupi. Ye la 31ma di mayo, l'ex-prezidanto Bozizé akuzesis pri incitajo a gentocido e krimini kontre la homaro.

Politiko

La Nacional Asemblitaro di Centrafrika.

La nuna konstituco di Centrafika aprobesis ye la 5ma di decembro 2004 per referovoto. Segun ol, Centrafrika esas mi-prezidantala republiko. La chefo di stato esas la prezidanto, qua elektesas dal populo por 5 yari. Pos la 30ma di marto 2016 esas Faustin-Archange Touadéra. La chefo di guvernerio esas la chefministro, qua indikesas dal prezidanto. Pos la 2ma di aprilo 2016, esas Simplice Sarandji.

La parlamento havas unika chambro, la Nacional Asemblitaro (Assemblée Nationale) kun 105 membri qui elektesas dal populo por 5 yari.

La legaro di Centrafrika havas kom bazo la Franca legaro. La Supra Korto (Cour Supreme) konsistas ek judiciisti qui indikesas dal prezidanto. Ank existas Konstitucala korto, e lua membri ank indikesas dal prezidanto.

Geografio

Topografiala mapo di Centrafrika.
Fluvio Ubangi, proxim Bangui.

Centrafrika esas lando senlitora, jacanta inter la latitudi 2° e 11°N, e la longitudi 14° e 28°E. Havante 622 941 km² ol esas la 45ma maxim vasta lando de la mondo, e lua surfaco equivalas la de Ukraina

La fluvii sude de la lando debushas an la baseno dil fluvio Kongo. Este, li debushas an la baseno di Nilo, e norde li debushas an la baseno di Ubangi. La fluvio Ubangi formacas naturala frontiero kun la Demokratial Republiko Kongo sude.

Granda parto di la lando esas platajo kovrata da savano, kun mezavalora altitudo di 500 metri. Lua maxim alta monto esas Mont Ngaoui, kun 1.420 metri di altitudo. Nordweste de la lando existas la granita platajo Yade, kun mezavalora altitudo di 348 metri. Existas izolata kolini sude de la lando.

La dominacanta klimato di la lando esas tropikala, kun du sezoni. En Bangui, la sika sezono iras de novembro til februaro, esante decembro e januaro la maxim sika monati. En l'extrema nordo de la lando la klimato esas miarida, e la sika vento harmattan qua suflas de Sahara de novembro til marto portas polvo a la regiono. La regiono minacesas da dezertigo.

Ekonomio

 Precipua artiklo: Ekonomio di Centrafrika

Quankam Centrafika havas jaceyi di uranio en Bakouma, petrolo en Vakaga, oro, diamanti, ligno e kultivebla suli, ol duras esar un ek la maxim povra landi de la mondo. Centrafrika rangizesas 179ma loko, inter 187 landi, pri l'Indexo pri homala developeso.

Demografio

La habitantaro di Centrafika triopleskis inter la nedependesko en 1960 (1 232 000 habitanti) e 2008 (4 302 360 habitanti). Unionita Nacioni konsideras ke cirkume 11% de la habitantaro evante 15 til 49 yari havas l'AIDS viruso[4].

La lando havas 80 rasala grupi. La precipua esas Baya 33%, Banda 27%, Mandjia 13%, Sara 10%, Mboum 7%, M'Baka 4%, Yakoma 4%, e 2% altra grupi, precipue Franciani. La precipua religii esas kristanismo (51

La precipua urbo di la lando esas la chef-urbo, Bangui. Altra importanta urbi esas Berbérati, Bouar, Bambari e Carnot.

Kulturo

Granda parto de la habitantaro di Centrafrika havas Bantua origino, e bantua kulturo esas un ek la precipua di la lando. Pigmei vivas en la regiono di foresti.

La precipua Centrafrikana skriptisti esas Pierre Makombo Bamboté (n. 1932), Etienne Goyémidé (n. 1942), Blaise N'Djehoya, e Cyriaque Robert Yavoucko.

Futbalo esas la maxim populara sporto di la lando.

Referi

  1. 1,0 1,1 Africa::Central African Republic - The World Factbook. CIA. URL vidita ye la 4ma di februaro 2019.
  2. McKenna, Amy (2011). - The History of Central and Eastern Africa - The Rosen Publishing Group.
  3. Everyculture.com. Culture of Central African Republic - history, people, clothing, women, beliefs, food, family, social, dress.. URL vidita ye la 6ma di aprilo 2013.
  4. http://www.unaids.org/en/CountryResponses/Countries/central_african_republic.asp


Nedependanta stati en Afrika
Aljeria | Angola | Benin | Botswana | Burkina Faso | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii
Ceuta | Kanarii | Madeira | Melilla | Westala Sahara | Mayotte | Reunion | Sokotra
Nedependi ne agnoskata
Somalilando | Puntlando
Other Languages
беларуская (тарашкевіца)‎: Цэнтральна-Афрыканская Рэспубліка
Bahasa Banjar: Ripublik Aprika Tangah
বিষ্ণুপ্রিয়া মণিপুরী: মধ্য আফ্রিকা
Chavacano de Zamboanga: República Centroafricana
Mìng-dĕ̤ng-ngṳ̄: Dṳ̆ng-hĭ Gê̤ṳng-huò-guók
qırımtatarca: Merkeziy Afrika
eʋegbe: Titina Afrika
客家語/Hak-kâ-ngî: Chûng-fî Khiung-fò-koet
Kreyòl ayisyen: Repiblik santafrik
Bahasa Indonesia: Afrika Tengah
Kabɩyɛ: Santrafriki
kernowek: Centrafrika
Lingua Franca Nova: Sentrafrica
Limburgs: Centraal Afrika
lingála: Santrafríka
Bahasa Melayu: Republik Afrika Tengah
Dorerin Naoero: Ripubrikin Aprika Yugaga
Sesotho sa Leboa: Central African Republic
occitan: Centrafrica
Norfuk / Pitkern: Sentril Afrekan Repablik
davvisámegiella: Gaska-Afrihká dásseváldi
srpskohrvatski / српскохрватски: Srednjoafrička Republika
Simple English: Central African Republic
oʻzbekcha/ўзбекча: Markaziy Afrika Respublikasi
vepsän kel’: Keskafrikan Tazovaldkund
Tiếng Việt: Cộng hòa Trung Phi
Volapük: Zänoda-Frikop
文言: 中非