Ձայնալարեր

Ձայնալարերը կը գտնուին խռչափողին խռչակին (larynx) մէջ: Խռչափողը ունի երկու իսկական ձայնալարեր (true vocal cords), որոնք կը գտնուին խռչափողին սկիզբը: Անոնք ունին հորիզոնական դիրք, կապուած են խռչափողի առաջամասին եւ յետնամասին: Անոնք կը շարժին կամովին խռչափողի ներքին մկաններու պրկումներով՝ ուղեղէն եկած հրահանգներուն համաձայն, եւ կ'արտադրեն զանազան ելեւէջներով եւ ուժգնութեամբ ձայներ:

Տղամարդիկ եւ կիներ ունին տարբեր չափի ձայնալարեր: Անոնք աւելի մեծ են տղամարդոց մօտ, քան՝ կիներուն: Չափահաս տղոց մօտ անոնք կ'ըլլան մօտաւորապէս 17-25 մմ. երկարութեամբ, իսկ չափահաս կիներուն մօտ՝ մօտաւորապէս 12.5-17.5 մմ.[1]: Անոնք կազմուած են ճերմակ շարակցական (connective tissue) թելերէ եւ շրջապատուած են բարակ թաղանթային ծալքով: Իսկական ձայնալարերուն միջեւ եղած բացութիւնը կը կոչուի ձայնաճեղք (glottis): Ներքին մկանները կը ծառայեն ձայնալարերու շարժման եւ ձայնաճեղքի լայնացման ու նեղացման: Իսկական ձայնալարերու վերեւը կը գտնուին ոչ-իսկական ձայնալարերը (false vocal cords), որոնք խլնաթաղանթային ծալքեր են: Անոնք ոչ մէկ դերակատարութիւն ունին ձայնի արտադրութեան հետ: Իսկական եւ ոչ-իսկական ձայնալարերուն միջեւ եղած փոսիկը կը կոչուի խռչափողային ծոց (laryngeal ventricle): Խռչափողի լորձնաթաղանթը (mucous membrane, epithelium) ըմբանի լորձնաթաղանթի շարունակութիւնն է[2][3]:

Ձայնալարերը
Other Languages
Alemannisch: Stimmlippe
العربية: أحبال صوتية
azərbaycanca: Səs bağı
български: Гласни струни
català: Plecs vocals
čeština: Hlasivky
Deutsch: Stimmlippe
English: Vocal cords
Esperanto: Voĉkordoj
español: Cuerdas vocales
euskara: Ahots-kordak
français: Corde vocale
हिन्दी: स्वर-रज्जु
íslenska: Raddbönd
italiano: Corde vocali
日本語: 声帯
한국어: 성대 (기관)
kurdî: Lêvên deng
Limburgs: Stumbenj
македонски: Гласилки
Nederlands: Stemband
norsk nynorsk: Stemmeband
Nouormand: Pérette
português: Cordas vocais
română: Coardele vocale
Simple English: Vocal cords
slovenčina: Hlasivky
svenska: Stämband
Türkçe: Ses teli
українська: Голосові зв'язки
ייִדיש: שטים בענדער
中文: 声带
粵語: 聲帶