Wikipedia:قبۊل گۊدني بؤن

ویکیپدیا مئنˇ بنویشتهٰ‌نˇ ملاک، اینه کي قبول‌گودني ببون، نأ اینکه راس ببون یا أزأ تفاق دکته بون. پس ملاک اینه کی وختی یکچی ویکیپدیا مئن چربؤنه (اضافه) بنه، باخی خؤندنکسؤن بتؤنن او بچربؤنه مطلبه بقایده (معتبر) سربسؤنˇ جي بررسی بکونن؛ نأ اینکه مطلبˇ بنویشتکسؤن اونˇ دوروسي ؤ راسيه اعتقاد بدأرن. هر مطلبي کي اینˇ سربس قید نبون تینه بحث پیش بأره ؤ شاید سراخره حذف ببون. دچینواچینکسؤن خأ هرچی وأسی کی مؤمکنه اونˇ سر بحث پیش بأ، چي نقل چي مطلب، سربس بأرن ناواله او مطلب یا نقل بیسربسي وأسی تأگ خؤنه ؤ سراخره حذف بنه.

هرچي که ویکیپدیا مئن اضافه بنه خأ یکته بقایده سربسه ارجاع هدئه کي او سربس به راسگويی نؤمي ببون. همه‌ته مطلبؤن ویکیپدیا مئن، چي وانیویس، چي لیست ؤ جیرنویس خأ قبول‌گودني ببون.

هر مأسمکي که اونˇ سر بحثه یا امکان دأنه بحث ببون خأ قبول‌گودني ببون ؤ رچ به رچ هو وؤتˇ مئن جیرنویس بخؤره به سربسي کي او ادعا یا مأسمکه تأیید کؤنه. أگهخأ بدؤنین چوتؤ شأنه وؤتˇ مئن سربسؤنه أردن، سربس دأنه بینین.

اي سیاست، ویکیپدیا مئن همه چي سر خأ عملي ببون ؤ هيچ استثنايی ندأنه. هرچي که سربس خأنه ؤ ندأنه تینه حذف ببون.

قبول گودني بؤن یکته سیاسته، ویکیپدیا سو ته محتوایي سیاستˇ جي. دو ته دئه سیاست، دسˇاول تحقیق ؤ بیطرفي ایسه. اي سو ته سیاسته نوا سیوا در نظر گیتن ؤ خأ ایشؤنه با توجه به هم تفسیر گودن. دچینواچینکسؤن خأ اي هر سو ته همره خوروم آشنا ببون. وانیویسؤنˇ محتوا خأ چاکۊدنحقˇ سیاستˇ همره ني سازگار ببون.

Other Languages
беларуская (тарашкевіца)‎: Вікіпэдыя:Магчымасьць праверкі
Bahasa Indonesia: Wikipedia:Pemastian
Baso Minangkabau: Wikipedia:Pamastian
Bahasa Melayu: Wikipedia:Pengesahan
srpskohrvatski / српскохрватски: Wikipedia:Proverljivost
Simple English: Wikipedia:Verifiability