Tom Jones (cantante)

Sir Tom Jones
Tom Jones concert.jpg
Tom Jones nun concerto en 2009.
Nome completoThomas Jones Woodward
Nacemento7 de xuño de 1940 (78 anos)
OrixeTrefforest, Pontypridd, Glamorgan, Gales Gales
Ocupación(s)Cantante
XéneroPop rock e música country
Instrumento(s)Voz
Selo(s) discográfico(s)Columbia, Decca, Epic, JIVE, Island, V2 e S-Curve
Na rede
http://www.tomjones.com/
editar datos en Wikidata ]

Thomas John Woodward, máis coñecido polo nome artístico de Tom Jones, nado en Trefforest (Pontypridd) o 7 de xuño de 1940, é un cantante e actor galés, cabaleiro da Coroa Británica. Jones acadou sona na década de 1960 pola súa gran voz, estilo extravagante e sensualidade, elementos claves na súa imaxe como artista. É coñecido como o tigre de Gales.

Traxectoria

Era fillo de Thomas Woodward, mineiro, e de de Freda Jones. De novo adoitaba cantar en festas familiares e participaba no coro da escola. Padeceu tuberculose e estivo doente case un ano, tempo que adicou a escoitar música e debuxar. Con 17 anos casou con Linda Trenchard, coa que tivo ao seu fillo Mark. Logo de deixar os estudos, traballou en empregos como vendedor a domicilio ou na construción.

Comezou a súa carreira musical en 1963 como vocalista de Tommy Scott & The Senators, unha banda beat local de sona en Gales do Sur. Malia que o produtor Joe Meek intentou promover a banda, non terminaba de callar. Gordon Mills levou a Tom a Londres e animouno a mudar o seu nome artístico en honra ao personaxe literario.

En 1964 gravou o seu primeiro sinxelo, "Chills and Fever", publicado por Decca. En 1965 acadou o éxito con " It's Not Unusual" e con " Thunderball", canción da banda sonora da película Thunderball de James Bond. Ese mesmo ano recibiu un Grammy ao mellor artista novo. En 1966 comezou a ser coñecido como crooner con cancións como "Green Green Grass of Home", "What's New Pussycat", "Help Yourself" ou "Delilah".

Entre 1969 e 1971 tivo un exitoso programa de variedades para a televisión titulado This is Tom Jones, emitido por ABC nos Estados Unidos e ITV no Reino Unido. Porén, na década de 1970 a súa carreira tivo unha lenta decadencia, xa que o seu estilo estaba a pasar de moda.

Trala morte do seu representante Gordon Mills o 29 de xullo de 1986, o seu fillo Mark pasou a administrar a súa carreira, reactivándose a partir de 1987 coa canción "A Boy From Nowhere" e coa gravación de "Kiss", canción popularizada por Prince, xunto a The Art of Noise.

En 1993 Interscope Records publicou The Lead And How to Swing It, un éxito inmediato que conquistou a audiencias máis novas. En 1998 actuou xunto a Robbie Williams nos Brit Awards cantando unha selección de cancións da banda sonora da película The Full Monty.

En 1999 gravou Reload, un disco de duetos, destacando a canción "Burning Down The House" xunto a The Cardigans, versión da orixinal dos '80 de Talking Heads.

Como actor aparece en The Special London Bridge ( David Winters, 1972) e Edward Scissorhands (Tim Burton, 1990). Amais, colaborou na serie The Simpsons (capítulo 7 da cuarta tempada) e O príncipe de Bel Air.

Other Languages
العربية: توم جونز
مصرى: توم جونز
azərbaycanca: Tom Cons
български: Том Джоунс
català: Tom Jones
čeština: Tom Jones
Cymraeg: Tom Jones
dansk: Tom Jones
Deutsch: Tom Jones
Ελληνικά: Τομ Τζόουνς
Esperanto: Tom Jones
eesti: Tom Jones
euskara: Tom Jones
فارسی: تام جونز
suomi: Tom Jones
עברית: טום ג'ונס
hrvatski: Tom Jones
Bahasa Indonesia: Tom Jones (penyanyi)
lietuvių: Tom Jones
مازِرونی: تام جونز
Nederlands: Tom Jones (zanger)
norsk: Tom Jones
português: Tom Jones
Simple English: Tom Jones (singer)
slovenčina: Tom Jones
shqip: Tom Jones
српски / srpski: Том Џоунс (певач)
svenska: Tom Jones
Tagalog: Tom Jones
українська: Том Джонс
Tiếng Việt: Tom Jones (ca sĩ)
中文: 湯·鍾士