Hidroxilo

Modelo tridimensional dun grupo hidroxilo.

Un hidroxilo é un grupo formado por un átomo de osíxeno unido covalentemente cun átomo de hidróxeno, que aparece en compostos como os alcohois, fenois, ácidos carboxílicos e sulfónicos, oxoácidos e bases [1]. Por hidroxilo pódense entender estas tres cousas:

  • O grupo funcional -OH, chamado grupo hidroxilo ou grupo alcohólico ou grupo OH. Trátase dun grupo químico unido covalentemente a unha molécula, como sucede nos alcohois. Por exemplo CH3-OH (metanol).
  • O anión hidroxilo (OH-) ou anión hidróxido. Aquí o hidroxilo está cargado negativamente en forma de anión e forma parte de substancias como os hidróxidos, formadas por un metal e un anión hidroxilo. Por exemplo, NaOH [2].
  • O radical hidroxilo (·OH), que é un grupo OH libre pero neutro e moi reactivo.

Grupo hidroxilo

Hydroxy Group Structural Formulae.svg O termo grupo hidroxilo utilízase para designar ao grupo funcional -OH cando é un substituínte dun composto orgánico, ao cal está unido covalentemente. As moléculas orgánicas máis representativas con grupos -OH son os alcohois. Tamén os fenois e os carbohidratos levan característicamente estes grupos.

Os grupos hidroxilo son moi importantes en bioquímica porque poden facilmente formar pontes de hidróxeno como dadores ou coma aceptores. Esta propiedade está relacionada co feito de que incrementan a hidrofilidade e a solubilidade en auga ás moléculas que os levan. O grupo hidroxilo das moléculas orgánicas pode ser substituído por outros grupos ou pode reaccionar formando enlaces éster e enlaces glicosídicos entre outros.

Un grupo -OH forma parte do grupo carboxilo (COOH) dos ácidos orgánicos e tamén está presente nos oxoácidos inorgánicos. Se o ácido é forte este grupo -OH pode desprotonarse facilmente.

Cando é necesario poñer un prefixo nas moléculas orgánicas ás que se une un grupo hidroxilo, segundo a IUPAC, debe utilizarse hidroxi (e non hidroxil). Por exemplo, hidroxiprolina.

Other Languages
العربية: هيدروكسيل
български: Хидроксил
bosanski: Hidroksil grupa
català: Grup hidroxil
čeština: Hydroxyl
Cymraeg: Hydrocsyl
Deutsch: Hydroxygruppe
Ελληνικά: Υδροξύλιο
English: Hydroxy group
Esperanto: Hidroksila grupo
español: Grupo hidroxilo
euskara: Hidroxilo
فارسی: هیدروکسیل
français: Hydroxyle
עברית: הידרוקסיל
hrvatski: Hidroksil
Bahasa Indonesia: Hidroksil
íslenska: Hýdroxýl
қазақша: Гидроксил
Кыргызча: Гидроксил тобу
latviešu: Hidroksilgrupa
македонски: Хидроксилна група
Bahasa Melayu: Hidroksil
Plattdüütsch: Hydroxyl-Grupp
Nederlands: Hydroxylgroep
norsk nynorsk: Hydroksyl
norsk: Hydroksyl
occitan: Idroxil
português: Hidroxila
română: Hidroxil
Scots: Hydroxyl
srpskohrvatski / српскохрватски: Hidroksil
slovenčina: Hydroxyl
српски / srpski: Hidroksil
Basa Sunda: Hidroksil
svenska: Hydroxigrupp
Türkçe: Hidroksil
Tiếng Việt: Hydroxyl
中文: 羟基