Asclepiu

Statua d'Asclepiu à i Musei Capitolini di Roma.

Asclepiu o Esculapiu (grecu Ἀσκληπιός, traslitteratu Asklēpiós; latinu Aesculapius) hè un parsunaghju di a mitulugia greca. Figliu di Apollu è di Arsinoi sicondu Esiodu, oppuri di Apollu è Coronidi par Pindaru, mezudiu è dunqua omu murtali par Omeru, si dicia ch'eddu era statu struitu in a medicina da Chironu, o ch'eddu avissi ereditatu tali prubità da u babbu Apollu. In Grecia Asclepiu era veneratu com'è u diu di a medicina, di i risanamenti è di i sarpi. Molti riferimenti à Asclepiu sò stati ritruvati ancu in u duminiu "occultu": a so capacità di ripurtà in vita i morti u rindia difatti ancu u diu invucatu da i necrumanti. U so cultu avia u so centru à Epidauru, ma era onuratu ancu à Pergamu. Sicondu u mitu, Apollu s'innamurò di Coronidi mentri edda facia u bagnu in un lavu. I dui cunsumoni a so passioni, dopu u diu andò via, lascendu un corbu à vardia di a ghjuvanetta. Coronidi dicisi di spusà si incù Ischys, è u corbu, quandu i vedi insemu, bulò da Apollu par riferiscia. Quandu scuprì chì Coronidi era impregna, dicisi di puniscia u corbu, tramutendu li i piumi da bianchi in neri, postu ch'è ùn avia alluntanatu Ischys da Coronidi. Artemidi uccisi Coronidi infilzendu la incù un dardu, par vindicà u frateddu disunuratu. Apollu, parò, dicisi di salvà u picculu chì Coronidi avia in senu, è chersi à Ermes di piglià lu da u corpu di a madri. Apollu dicisi di dà à u chjugu u nomu d'Asclepiu. Sicondu u mitu Asclepiu riciviti da a dea Atena u donu di cambià u so sangui incù quiddu di Medusa a Gurgona. Da tandu u sangui chì sgurgava da i veni di u so fiancu sinistru era vilanosu è purtadori di svinturi, ma quiddu di u fiancu drittu avia u puteri di variscia qualsiasi malatia è ancu di fà risurghja i morti. Propriu par quisti puteri simili à quiddi di un necrumanti, vali à dì ripurtà in vita i morti è garantiscia una vita straurdinariamenti longa, Zeus dicisi di fulminà lu parchì timia chì u troppu puteri chì Esculapiu cundividia incù l'omini avaristi pussutu minaccià a fedi ind'è i dei, annullendu di fattu a sustanziali diffarenza frà divinità è omini, vali à dì l'immurtalità. Apollu parò, offesu, feci in modu chì u figliolu ùn murissi è u trasformò in un diu à tutti l'effetti. Ghjà in l'Iliadi li si attribuiscini dui figli: Macaonu, chì combattì à Troia è fù uccisu da Euripilu; Podaliriu, medicu. In stadi pusteriori di a lighjenda li si attribuisci una moglia (Epioni, o Lampezia) da u quali Asclepiu ebbi cinqui figlioli: Igea, a saluta; Panacea, chì avia u donu di curà tutti i malatii; Iasu, chì pruvucava malatii; Egli, matri di i Grazii; Achesu, chì soprintindia à u prucessu di risanamentu; Telesforu, diu di a cunvaliscenza; Meditrina, a varitrici. Asclepiu divintò cusì forti in l'arti medicu chì riiscì ancu à risuscità Ippolitu, incù l'aiutu d'Artemidi. In l'antica Grecia si pinsava chì bastessi à dorma in un santuariu cunsacratu à Asclepiu par variscia da ogni malatia. In ogni tempiu ci era alminu un sarpi, chì pruvinia da u santuariu di Asclepiu à Epidauru, in quantu si cridia chì fussini animali sacri par a divinità, postu ch'è simbulu di u rinnuvamentu.

Asclepiu fù spessu raffiguratu incù in manu un bastonu chì porta u so nomu è hè u simbulu internaziunali di u succorsu medicu

Asclepiu in Grecia

In Grecia, par ringrazià d'un risanamentu u Diu, si sacrificava di solitu un ghjaddu. Simuli animali infatti, era cunsidaratu u migliori è più graditu à a Divinità. Un asempiu di sta pratica u truvemu in u Fedonu di Platoni, u celebru dialogu chì narra a morti di Socrati. Quist'ultimu, prima di mora chersi ch'è fussi sacrificatu un ghjaddu à Asclepiu. U mutivu di tali richiesta ferma sempri fonti di dibattitu.

Other Languages
Afrikaans: Asklepios
Alemannisch: Asklepios
العربية: أسقليبيوس
asturianu: Asclepiu
azərbaycanca: Asklepi
беларуская: Асклепій
беларуская (тарашкевіца)‎: Асклепі
български: Асклепий
brezhoneg: Asklepios
bosanski: Asklepije
català: Asclepi
čeština: Asklépios
Cymraeg: Asclepius
dansk: Æskulap
Deutsch: Asklepios
Ελληνικά: Ασκληπιός
English: Asclepius
Esperanto: Asklepio
español: Asclepio
eesti: Asklepios
euskara: Asklepio
فارسی: اسقلبیوس
suomi: Asklepios
français: Asclépios
galego: Asclepio
עברית: אסקלפיוס
hrvatski: Asklepije
magyar: Aszklépiosz
հայերեն: Ասկլեպիոս
Bahasa Indonesia: Asklepios
íslenska: Asklepios
italiano: Asclepio
ქართული: ასკლეპიოსი
kurdî: Esxîlos
Latina: Aesculapius
Lëtzebuergesch: Asklepios
Ligure: Asclepio
lietuvių: Asklepijas
latviešu: Asklēpijs
македонски: Асклепиј
Bahasa Melayu: Asklepios
Nederlands: Asklepios
norsk nynorsk: Asklepios
norsk: Asklepios
occitan: Asclèpi
polski: Asklepios
português: Esculápio
română: Asclepios
русский: Асклепий
русиньскый: Асклепий
Scots: Asclepius
srpskohrvatski / српскохрватски: Asklepije
Simple English: Asclepius
slovenčina: Asklépios
slovenščina: Asklepij
shqip: Asklepiu
српски / srpski: Асклепије
svenska: Asklepios
Tagalog: Asklepios
Türkçe: Asklepios
українська: Асклепій
oʻzbekcha/ўзбекча: Asklepiy
Winaray: Asclepius
Bân-lâm-gú: Asclepius