Web

Logo antiguu de WWW diseñáu por Robert Cailliau

La World Wide Web (WWW o W3[1]), de vezu conocía como la web (nun confundir con Internet), ye un sistema de documentos d'hipertestu y/o hipermedios enllazaos y accesibles a través d'Internet. Con un navegador web, un usuariu ve los sitios Web, forxaos de páxines Web que puen contener testu, imáxenes u otros conteníos multimedia, y navega a traviés d'elles usando hiperenllaces.

La Web nació alredor de 1990, desendolcada pol inglés Sir Tim Berners-Lee (actual direutor del World Wide Web Consortium) y el belxicanu Robert Cailliau demientres trabayaben nel CERN en Xinebra, Suiza. Dende entós, Berners-Lee tien xugao un papel activu empobinando el desendolque d'estándares Web (como los llinguaxes de marcáu colos que se crien les páxinas Web), y nos caberos años, aboga por una visión d'una Web semántica.

Historia

L' ordenador NeXT qu'usaba Berners-Lee. Na etiqueta escrita a mano pon "Esta máquina ye un sirvidor. ¡¡NUN APAGAR!!"

Nel númberu de mayu de 1970 de la revista Popular Science, Arthur C. Clarke albidraba qu'algún día los satélites pondríen "el conocimientu acumuláu del mundu al alcance de la mano" usando un preséu que combinaría les funciones de la fotocopiadora, teléfonu, televisión y un ordenador personal, permitiendo tresferir datos y facer videu conferencia alredor del mundu.[2]

En marzu de 1989, Tim Berners-Lee escribió una propuesta que facía referencia a ENQUIRE, un proyeutu de software y base de datos que desendolcara en 1980, y describió un sistema de xestión d'información más trabayáu.[3]

Con ayuda de Robert Cailliau, espublizó una propuesta más formal (el 12 de payares de 1990) pa construir un "proyeutu d'hipertestu" nomáu "WorldWideWeb" (una sola pallabra, tamién "W3") como una "telaraña" de "documentos d'hipertestu" que veríase con "navegadores" usando una arquiteutura cliente–sirvidor.[4] Esta propuesta estimaba qu'una web de sólo llectura desendolcaríase'n trés meses y que llevaría seyes meses llograr "la creación de nuevos enllaces y nuevu material polos llectores, [de mou que] l'autoría fuera universal" lo mesmo que "l'avisu automáticu a un llector cuando tea disponible nuevu material que-y interese." Mentanto que l'oxetivu de sólo llectura cumplióse, l'autoría accesible del conteníu web tardó más en madurar, col conceutu de wiki, los blogs, la Web 2.0 y RSS/ Atom.[5]

La propuesta modelóse pal llector SGML Dynatext d'Electronic Book Technology, un productu del Institute for Research in Information and Scholarship de la Universidá de Brown. El sistema Dynatext, con llicencia del CERN, foi una parte fundamental pa la estensión de SGML ISO 8879:1986 a Hipermedia dientro de HyTime, pero consideróse caro enforma y tuvo una política de llicencia inadecuada pal usu na comunidá xeneral de físicos d'altes enerxíes, concretamente una tarifa por cada documentu y por cada alteración de documentu.

El centru de datos del CERN en 2010 agospiando dellos sirvidores WWW

Berners-Lee usó un Ordenador NeXT como primer sirvidor web del mundu y tamién pa escribir el primer navegador web, WorldWideWeb, en 1990. En navidaes de 1990, Berners-Lee tenía preparaes toles ferramientes necesaries pa una Web funcional:[6] el primer navegador web (que tamién yera un editor web); el primer sirvidor web, y les primeres páxines web,[7] que describíen el propiu proyeutu. El 6 d'agostu de 1991, espublizó un resume curtiu del proyeutu World Wide Web nel grupu de noticies alt.hypertext.[8] Esta data tamién marcó l'apaición de la Web como un serviciu disponible públicamente n'Internet. Munchos medios de comunicación informaron de que la primera foto de la web xubióla Berners-Lee en 1992, una imaxe de la banda house del CERN Les Horribles Cernettes tomada or Silvano de Gennaro; Gennaro tien desmentío esta historia, escribiendo que los medios "distorsionaron totalmente les nueses pallabres por puru sensacionalismu baratu."[9]

El primer sirvidor fuera d'Europa configuróse nel Centru del acelerador llinial de Stanford (SLAC) en Palo Alto, California, p'agospiar la base de datos SPIRES-HEP. Los rexistros diferenciense sustancialmente no que cinca a la data d'esti socesu. El World Wide Web Consortium diz que avientu de 1992,[10] mentanto que'l propiu SLAC afirma que 1991.[11][12] Esto tien encontu nun documentu del W3C tituláu A Little History of the World Wide Web.[13]

Other Languages
Afrikaans: Wêreldwye web
Alemannisch: World Wide Web
aragonés: World Wide Web
Ænglisc: Woruldwīd Webb
مصرى: ويب
беларуская: World Wide Web
беларуская (тарашкевіца)‎: Сусьветнае павуціньне
български: Уеб
বিষ্ণুপ্রিয়া মণিপুরী: ওয়ার্ল্ড ওয়াইড ওয়েব
brezhoneg: World Wide Web
bosanski: World Wide Web
کوردی: وێب
corsu: Reta
čeština: World Wide Web
Cymraeg: Gwe fyd-eang
emiliàn e rumagnòl: Gran Tlarè mundièl
Esperanto: TTT
español: World Wide Web
eesti: Veeb
Võro: WWW
føroyskt: Heimsvevur
français: World Wide Web
贛語: 萬維網
客家語/Hak-kâ-ngî: World Wide Web
עברית: World Wide Web
hrvatski: World Wide Web
magyar: Világháló
interlingua: World Wide Web
Bahasa Indonesia: World Wide Web
íslenska: Veraldarvefurinn
italiano: World Wide Web
日本語: World Wide Web
Patois: Wol Waid Web
Basa Jawa: World Wide Web
Taqbaylit: World Wide Web
қазақша: Ғаламтор
Ladino: Web
Lëtzebuergesch: World Wide Web
Lingua Franca Nova: WWW
lumbaart: World Wide Web
lietuvių: Saitynas
Malagasy: Tranonkala
македонски: Светска пајажина
Bahasa Melayu: Jaringan Sejagat
မြန်မာဘာသာ: ဝက်ဘ်
مازِرونی: وب
नेपाल भाषा: वर्ल्द वाइद वेब
Nederlands: Wereldwijd web
norsk nynorsk: Verdsveven
português: World Wide Web
rumantsch: World Wide Web
română: World Wide Web
саха тыла: World Wide Web
sicilianu: World Wide Web
srpskohrvatski / српскохрватски: World Wide Web
Simple English: World Wide Web
slovenčina: World Wide Web
slovenščina: Splet
Soomaaliga: World Wide Web
српски / srpski: Веб
Türkçe: World Wide Web
татарча/tatarça: Бөтендөнья пәрәвезе
vèneto: Web
Tiếng Việt: World Wide Web
吴语: 万维网
ייִדיש: World Wide Web
中文: 万维网
Bân-lâm-gú: World Wide Web
粵語: 萬維網