Recursu non anovable

Bomba estrayyendo petróleu d'un pozu.

Considérase recursu non anovable a un recursu natural que nun puede ser producíu, refechu o reutilizáu a una escala tal que pueda sostener la so tasa de consumu. Estos recursos frecuentemente esisten en cantidaes fixes o son consumíos muncho más rápido de lo que la naturaleza puede recrealos.

Llámase reserves a los contingentes de recursos que pueden ser estrayíos con provechu. El valor económicu (monetariu) depende de la so escasez y demanda, y ye una tema qu'esmolez a la economía. La so utilidá como recursos depende del so aplicabilidad, pero tamién del costo económicu y del costo enerxéticu del so localización y esplotación. Por casu, si pa estrayer el petróleu d'un xacimientu hai qu'invertir más enerxía que la que va apurrir, nun puede considerase un recursu. Dalgunos de los recursos non anovables son: el petróleu, los mineralye, los metalye, el gas natural y los depósitos d'agua soterraño (siempres que sían acuíferos confinaos ensin recarga).

La contabilidá de les reserves produz munches disputes, coles estimaciones más optimistes per parte de les empreses, y les más pesimistes per parte de los grupos ecoloxistes y los científicos académicos. Onde la confrontación ye más visible ye nel campu de les reserves d'hidrocarburos; equí, los primeres tienden a presentar como acutes tolos xacimientos conocíos más los que preven atopar. Los segundos ponen la énfasis nel costo monetariu creciente de la esploración y de la estracción, con namá un nuevu barril topáu per cada cuatro consumíos, y nel costo termodinámicu (enerxéticu) creciente, que mengua'l valor d'usu mediu de los nuevos afayos.

Tipos de recursos non anovables

Other Languages