Walter Benjamin

Walter Benjamin - 1928

Dr Walter Bendix Schoenflies Benjamin (* 15. Juli 1892 z Berlin; † 26. Septämber 1940 z Portbou) isch e dütsche Philosoph, Literaturkritiker und Übersetzer vo de Wärk vom Balzac, Baudelaire und Marcel Proust gsi. Dr Benjamin het mit de Kommuniste sympatisiert, isch aber nie Bardeimitgliid worde. Wo d Nationalsozialiste 1933 d Macht ergriffe hai, isch er uf Baris ins Exil gange. Dört het en d Hannah Arendt materiell understützt. Wo dr Chrieg usbrochen isch isch er zerst interniert worde. Denn het er brobiert über Spanie und Bordugal in die Vereinigte Staate z emigriere. Er isch aber festgnoh worde und grad won er an die Dütsche hätt sötte usgliiferet wärde, het er sich s Läbe gnoh.

Rezeption

Dr Adorno und dr Scholem hai noch em Zweite Wältchrieg im Benjamin siini Schrifte neu uusegee, vo 1970 bis 1989 isch e braktisch vollständigi Usgoob vo siine «Gesammelte Schriften» erschiine. Zu Läbenszite het sich kuum öbber intressiert für siis Wärk, das het sich jetzt gänderet. Dr Benjamin isch mit siiner Gsellschaftskritik zum Aareger in verschiidnige geistes- und sozialwüsseschaftlige Fächer worde.

In dr neuste Zit het mä vom Benjamin siiner Sproochphilosphii gsait, ass si indiräkt em Poststrukturalismus vorgrife haig.

In de USA isch dr Benjamin dr akademische Öffentligkeit Aafang 1969 bekannt worde dur e Sammelband under em Ditel «Illuminations. Walter Benjamin: Essays and Reflections», wo d Hannah Arendt usegee, bearbeitet und drfür e Vorwort gschriibe het.

Other Languages
Afrikaans: Walter Benjamin
asturianu: Walter Benjamin
azərbaycanca: Valter Benyamin
български: Валтер Бенямин
bosanski: Walter Benjamin
čeština: Walter Benjamin
Esperanto: Walter Benjamin
español: Walter Benjamin
français: Walter Benjamin
hrvatski: Walter Benjamin
Bahasa Indonesia: Walter Benjamin
íslenska: Walter Benjamin
italiano: Walter Benjamin
한국어: 발터 벤야민
lietuvių: Walter Benjamin
Malagasy: Walter Benjamin
Nederlands: Walter Benjamin
Piemontèis: Walter Benjamin
português: Walter Benjamin
română: Walter Benjamin
srpskohrvatski / српскохрватски: Walter Benjamin
Simple English: Walter Benjamin
slovenčina: Walter Benjamin
slovenščina: Walter Benjamin
српски / srpski: Валтер Бенјамин
Türkçe: Walter Benjamin
українська: Вальтер Беньямін
Tiếng Việt: Walter Benjamin
Yorùbá: Walter Benjamin
Bân-lâm-gú: Walter Benjamin