Satet

Satet
Satis word aanbid deur farao Sobechotep III; ’n deel van haar kroon, die Hedjet, versier met bokhorings, kan gesien word (Brooklyn-museum).
Satis word aanbid deur farao Sobechotep III; ’n deel van haar kroon, die Hedjet, versier met bokhorings, kan gesien word (Brooklyn-museum).
Soort godin Egipties
Godin vanDie oorstroming van die Nyl
Kultussentrum Swenet, Sahal
SimboolPyl, vloeiende rivier
MetgeselChnoem
KindersAnoeket
Portaal  Portaalicoon  Antieke Egipte

Satet (ook gespel Satis, Sates of Sati) was in die Egiptiese mitologie die vergoddeliking van die jaarlikse oorstroming van die Nylrivier. Haar kultus het ontstaan in die Antieke Egiptiese stad Swenet (nou Aswan) in die suide van die land. Haar naam beteken "sy wat uitskiet", wat verwys na die Nyl se oorstromings. Sy was ook ’n vroeë oorlogs, jag- en vrugbaarheidsgodin wat ook beskou is as ’n beskermer van Suid-Egipte.

Een van haar titels is "sy wat soos ’n pyl hardloop", wat vermoedelik ook na die oorstromings verwys, en haar simbole was die pyl en die vloeiende rivier. Sy is uitgebeeld as ’n vrou met die Hadjet, die kroon van Bo-Egipte, met bokhorings voor, of as ’n bok. Sy is ook soms uitgebeeld met ’n pyl en boog, of met ’n anch vanweë haar verbintenis met die lewegewende oorstromings van die Nyl.

Familie

Later is Satet beskou as die metgesel van Chnoem, die god wat verbind is met die oorsprong van die Nyl, en haar kultus was toe op Sahal, ’n eiland in die rivier.

Haar kind was Anoeket, die godin van die rivier self, wat die derde lid van die Elephantine- triade van gode was.

Other Languages
العربية: ساتت
български: Сатис (богиня)
Deutsch: Satis
Ελληνικά: Σατέτ
español: Satet
euskara: Satis
français: Satis
hrvatski: Satis
magyar: Szatet
italiano: Satet
日本語: サテト
ქართული: სატისი
한국어: 사티스
Bahasa Melayu: Dewi Satet
Nederlands: Satet
norsk: Satis
polski: Satis
português: Sátis
slovenščina: Satet
svenska: Satis
українська: Сатіс
اردو: ساتی
Tiếng Việt: Satis
მარგალური: სატისი
中文: 萨提特